ఆక్లాండ్లో జరుగుతున్న రెండో టీ20లో న్యూజిలాండ్ను తక్కువ పరుగులకే కట్టడి చేసింది భారత్. తొలి ఇన్నింగ్స్లో కివీస్.. నిర్ణీత 20 ఓవర్లలో 5 వికెట్ల నష్టానికి 132 పరుగులు మాత్రమే చేయగలిగింది. ఓపెనర్లు గప్తిల్ 33, మన్రో 26 పరుగులు చేశారు. మిగతా వారిలో విలియమన్స్ 14, గ్రాండ్హోమ్ 3, టేలర్ 18, సైఫర్ట్ 32 పరుగులు చేశారు.
టాస్ గెలిచి బ్యాటింగ్ తీసుకున్న న్యూజిలాండ్ను ప్రారంభం నుంచే భారత్ బౌలర్లు కట్టడి చేశారు. చక్కని లైన్ అండ్ లెంగ్త్తో బంతులేస్తూ పరుగులు చేయకుండా అడ్డుకున్నారు. వీరిలో జడేజా 2 వికెట్లు తీయగా, శివమ్ దూబే, శార్దుల్, బుమ్రా తలో వికెట్ పడగొట్టారు.
