డిసెంబర్లో ఆస్ట్రేలియాతో నాలుగు టెస్టు మ్యాచ్ల సిరీస్ ఆడనుంది భారత్. అయితే ఇందులో ఒకటి డే/నైట్ మ్యాచ్. అడిలైడ్ వేదికగా ఈ మ్యాచ్ జరుగబోతుందని తెలుస్తోంది. ఇదే జరిగితే విదేశీ గడ్డపై భారత్కు ఇది తొలి పింక్ బాల్ టెస్టు అవుతుంది.
డిసెంబర్ 3న బ్రిస్బేన్ వేదికగా జరిగే మొదటి టెస్టుతో సిరీస్ ప్రారంభం కానుందని సమాచారం. చివరి రెండు మ్యాచ్లు మెల్బోర్న్, సిడ్నీలలో జరుగుతాయని తెలుస్తోంది. అయితే ఈ మ్యాచ్లకు ప్రేక్షకులను అనుమతిస్తారా లేదా అనే విషయంపై మాత్రం ఇంకా స్పష్టత లేదు.
2018-19 పర్యటనలోనే భారత్ డేనైట్ టెస్టు ఆడాల్సి ఉన్నా అది వీలుపడలేదు. ఇటీవలే బీసీసీఐ అధ్యక్షుడు గంగూలీతో పాటు టీమ్ఇండియా కెప్టెన్ విరాట్ కోహ్లీ కూడా ఆస్ట్రేలియాలో పింక్ టెస్టు ఆడేందుకు సుముఖత వ్యక్తం చేశారు.
