ఆస్ట్రేలియా జట్టుకు నిరాశపరిచే వార్త. టీమ్ఇండియాతో జరిగిన రెండో వన్డేలో గాయపడిన ఆసీస్ స్టార్ బ్యాట్స్మన్ డేవిడ్ వార్నర్ ఇంకా కోలుకోలేదు. దీంతో అడిలైడ్ వేదికగా జరిగే తొలి టెస్టుకు కూడా అతడు దూరం కానున్నాడు. ఈ విషయాన్ని ఆసీస్ క్రికెట్ బోర్డు స్పష్టం చేసింది.
"గాయం నుంచి క్రమక్రమంగా కోలుకుంటున్నాను. ప్రస్తుతం బాగానే ఉన్నాను. కానీ 100శాతం ఫిట్నెస్ సాధించినట్లు నాకు, నా సహ ఆటగాళ్లకు అనిపిస్తేనే టెస్టు మ్యాచులకు సిద్ధంగా ఉంటాను" అని వార్నర్ అన్నాడు. రెండో టెస్టు నాటికి వార్నర్ పూర్తిగా కోలుకుని మిగతా మ్యాచులకు అందుబాటులో ఉంటాడని ఆశాభావం వ్యక్తం చేశాడు ఆసీస్ హెడ్ కోచ్ జస్టిన్ లాంగర్.
నాలుగు మ్యాచులతో కూడిన టెస్టు సిరీస్ డిసెంబర్ 17నుంచి ప్రారంభం కానుంది. కాగా, ఇప్పటికే వన్డే సిరీస్ను ఆసీస్, టీ20సిరీస్ను టీమ్ఇండియా కైవసం చేసుకున్నాయి.
ఇదీ చూడండి : భారత్తో మిగతా మ్యాచ్లకు వార్నర్ దూరం
