గాయంతో ఆస్ట్రేలియా పర్యటనకు ఎంపిక కాని స్టార్ ఓపెనర్ రోహిత్ శర్మ.. టెస్టు సిరీస్లో ఆడే అవకాశాలు పుష్కలంగా కనిపిస్తున్నాయి. ఇదే విషయాన్ని బీసీసీఐకి చెందిన ఓ అధికారి చెప్పారు. అయితే పరిమిత ఓవర్లు సిరీస్లోనే హిట్మ్యాన్ ఆడే విషయాన్ని కొట్టిపారేయలేమని అన్నారు.
ప్రస్తుతం ఐపీఎల్లో ఉన్న టీమ్ఇండియా ఆటగాళ్లు.. నవంబరు 12న ఆస్ట్రేలియా పయనమవుతారు. సిడ్నీలో దిగిన తర్వాత అక్కడే ఏర్పాటు చేసిన క్వారంటైన్ సెంటర్లో ఉంటారు. అనంతరం నవంబరు 27 నుంచి జరిగే వన్డే సిరీస్లో పాల్గొంటారు.
డిసెంబరు 17-21 మధ్య భారత్-ఆస్ట్రేలియా మధ్య డే/నైట్ టెస్టు జరగనుంది. అనంతరం సాధారణంగానే మిగతా మూడు టెస్టులను నిర్వహిస్తారు.
పర్యటనలో భాగంగా మూడు వన్డేలు, మూడు టీ20లు, నాలుగు టెస్టుల్లో టీమ్ఇండియా-ఆస్ట్రేలియా తలపడనున్నాయి.
ఇది చదవండి: ఆసీస్ పర్యటనకు దూరమైన సాహా..?
