భారత్-ఆస్ట్రేలియా 'బాక్సింగ్ డే' టెస్టుకు హాజరైన ఓ అభిమానికి కరోనా పాజిటివ్గా తేలింది. ఈ విషయాన్ని మెల్బోర్న్ క్రికెట్ క్లబ్ బుధవారం వెల్లడించింది. మ్యాచ్కు వచ్చేటప్పుడు అతడి వైరస్ బారిన పడనప్పటికీ, ఆ తర్వాత పాజిటివ్ తేలినట్లు తెలిపారు.
"ఈనెల 27న బాక్సింగ్ డే టెస్టుకు వచ్చిన వారిలో జోన్ 5, ద గ్రేట్ సదరన్ స్టాండ్లో మధ్యాహ్నం 12:30 నుంచి 3:30 మధ్య ఉన్న వారు కొవిడ్ పరీక్షలు చేయించుకుని, నెగిటివ్ వచ్చే వరకు బయటకు రావొద్దు" అని మెల్బోర్న్ క్రికెట్ క్లబ్ తెలిపింది.
ఈ కారణంగా గురువారం(జనవరి 7) నుంచి ప్రారంభమయ్యే సిడ్నీ టెస్టుకు వచ్చే ప్రేక్షకులు స్టాండ్స్లో ఉన్నప్పుడూ మాస్క్లు ధరించాలని న్యూసౌత్ వేల్స్ ప్రభుత్వం ఆదేశించింది. ఆతిథ్య సిడ్నీలో కేసులు పెరుగుతున్న కారణంగా స్టేడియంలోకి 25 శాతం మంది ప్రేక్షకుల్ని మాత్రమే అనుమతిస్తూ ఇప్పటికే నిర్ణయం తీసుకున్నారు.
నాలుగు టెస్టుల సిరీస్లో భాగంగా తలో మ్యాచ్ గెలిచిన భారత్, ఆస్ట్రేలియా.. మూడో టెస్టులో గెలిచి, ఆధిక్యం సంపాదించాలని చూస్తున్నాయి. మరి ఏమవుతుందో చూడాలి.
ఇది చదవండి: బాక్సింగ్ డే టెస్టు: ఆ ఘనత సాధించిన తొలి జట్టు భారత్
