రాబోయే ఐపీఎల్లో ఆర్సీబీ ఓపెనర్గా వస్తానని కెప్టెన్ కోహ్లీ చెప్పాడు. ఇంగ్లాండ్తో శనివారం జరిగిన నిర్ణయాత్మక మ్యాచ్లో ఇదే స్థానంలో వచ్చిన విరాట్.. అద్భుత ఇన్నింగ్స్తో జట్టును గెలిపించాడు. దీంతో సిరీస్ 3-2 తేడాతో భారత్ సొంతమైంది.
"అవును ఐపీఎల్లోనూ నేను ఓపెనింగ్ చేస్తా. గతంలో చాలా స్థానాల్లో బ్యాటింగ్ చేశాను. ప్రస్తుతం భారత జట్టు మిడిలార్డర్ బలంగా ఉంది. అందుకే ఇద్దరు ఉత్తమ క్రికెటర్లు ఓపెనర్లుగా వస్తే అదరగొట్టొచ్చు" అని మ్యాచ్ అనంతరం జరిగిన సమావేశంలో కోహ్లీ వెల్లడించాడు.
"రోహిత్ లాంటి భాగస్వామితో బ్యాటింగ్ను నేను చాలా ఇష్టపడతాను. మా ఇద్దరిలో ఒక్కరు కుదురుకున్నా.. ప్రత్యర్థిపై అధిక్యం చూపించొచ్చు. ఇప్పుడున్న ఫామ్ను ఇలానే కొనసాగిస్తానని అనుకుంటున్నాను" అని విరాట్ స్పష్టం చేశాడు.
ఐదో టీ20లో టాస్ ఓడి బ్యాటింగ్కు దిగిన టీమ్ఇండియాకు.. ఓపెనర్లు కోహ్లీ-రోహిత్ శుభారంభం ఇచ్చారు. తొలి వికెట్కు 94 పరుగులు జోడించారు. ఈ క్రమంలో ఇద్దరు అర్ధ శతకాలతో ఆకట్టుకున్నారు. తర్వాత క్రీజులోకి వచ్చిన సూర్య కుమార్, హార్దిక్ కూడా చెలరేగడం వల్ల జట్టు 224 పరుగుల భారీ స్కోరు చేయగలిగింది. ఛేదనలో తడబడిన ఇంగ్లాండ్.. 188/8 పరుగులే చేయగలిగింది.
ఇవీ చదవండి:
