తాను బాగానే ఉన్నానని. అభిమానులు కంగారు పడాల్సిన పనిలేదని చెప్పాడు వెస్టిండీస్ దిగ్గజ క్రికెటర్ బ్రియన్ లారా. ప్రస్తుతం ముంబయిలో ఉన్న లారా.. ఛాతి నొప్పి కారణంతో మంగళవారం ఆసుపత్రిలో చేరాడు.
"నాకు జరిగిన దానికి అందరూ ఆందోళన చెందారు. ఉదయం జిమ్లో కొంత సమయం ఎక్కువ గడపడం వల్ల ఛాతిలో నొప్పి వచ్చింది. వైద్యులను సంప్రదిస్తే మంచిదని ఆసుపత్రిలో చేరా. నొప్పి తీవ్రంగా ఉంటే కొన్ని పరీక్షలు చేశారు. ప్రస్తుతం బాగానే ఉంది. హస్పిటల్ బెడ్పైనే ఉండి ఇంగ్లాండ్, ఆస్ట్రేలియా మ్యాచ్ ఎంజాయ్ చేశా." -బ్రియన్ లారా, విండీస్ మాజీ క్రికెటర్
ప్రపంచకప్ విశ్లేషకుడిగా ఓ ప్రసార సంస్థ కోసం భారత్ నుంచి లారా పని చేస్తున్నాడు. రెండేళ్ల క్రితం ఆంజియోప్లాస్టీ చేయించుకున్నాడీ ట్రినిడాడ్ క్రికెటర్. మంగళవారం రెగ్యులర్ చెకప్ ఉండగా ఆసుపత్రికి వెళ్లే లోపు మరోసారి గుండె నొప్పి వచ్చినట్లు సన్నిహిత వర్గాలు తెలిపాయి.
ఇది చదవండి: భారత్పై గెలిచే సత్తా మాకుంది: షకిబుల్
