త్వరలో ప్రారంభం కానున్న ప్రపంచ ఛాంపియన్షిప్పై స్పందించాడు టీమిండియా కెప్టెన్ విరాట్ కోహ్లీ. అంతర్జాతీయ క్రికెట్ మండలి(ఐసీసీ) తీసుకున్న ఈ నిర్ణయం వల్ల సంప్రదాయ టెస్టు ఫార్మాట్కు ఆదరణ పెరుగుతుందని చెప్పాడు.
"మేం చాలా ఉత్సాహంతో టెస్టు ఛాంపియన్షిప్ కోసం ఎదురు చూస్తున్నాం. భవిష్యత్తులో దీనికి ఆదరణ పెరుగుతుందనడంలో ఎలాంటి సందేహం లేదు. టెస్టుల్లో ఆడటం నిజంగా ఒక సవాలుగా ఉంటుంది. మా జట్టు కొన్నేళ్ల నుంచి ఈ ఫార్మాట్లో అద్భుతంగా రాణిస్తోంది. అదే ఫామ్ను ఈ ఛాంపియన్షిప్లోనూ కొనసాగిస్తాం." -విరాట్ కోహ్లీ, టీమిండియా కెప్టెన్
యాషెస్తో ప్రారంభం కానున్న టెస్టు ఛాంపియన్షిప్ రెండేళ్ల పాటు జరగనుంది. భారత్, ఆస్ట్రేలియా, బంగ్లాదేశ్, ఇంగ్లాండ్, న్యూజిలాండ్, పాకిస్థాన్, దక్షిణాఫ్రికా, శ్రీలంక, వెస్టిండీస్ జట్లు మొత్తం 27 సిరీస్ల్లో 71 మ్యాచ్లు ఆడనున్నాయి.
ప్రతి జట్టు ఇంటా బయట తలో మూడు సిరీస్లు ఆడుతుంది. ఒక్కో మ్యాచ్ గెలిచిన జట్టుకు పాయింట్లు లభిస్తాయి. సిరీస్లన్నీ పూర్తయ్యాక తొలి రెండు స్థానాల్లో నిలిచిన జట్లు 2021 జూన్లో ఇంగ్లాండ్ వేదికగా ఫైనల్లో తలపడతాయి
ఇది చదవండి: టెస్ట్ క్రికెటర్లను గుర్తు పట్టడం మరింత సులువు
