ఐసీసీ టీ20, వన్డేల ర్యాంకింగ్లను ప్రకటించింది అంతర్జాతీయ క్రికెట్ మండలి. ఇంగ్లాండ్తో ప్రస్తుత పొట్టి సిరీస్లో రెండు అర్ధ సెంచరీలతో రాణించిన భారత కెప్టెన్ విరాట్ కోహ్లీ.. ఒక స్థానాన్ని మెరుగుపరుచుకుని టాప్-5లోకి దూసుకొచ్చాడు. మూడు ఫార్మాట్లలోనూ టాప్-5లో ఉన్న ఏకైక భారత ఆటగాడు విరాట్ కోహ్లీనే.
కేఎల్ రాహుల్ ఒక స్థానాన్ని కోల్పోయి నాల్గో స్థానానికి చేరాడు. టీ20 విభాగంలో ఇంగ్లాండ్ బ్యాట్స్మన్ డేవిడ్ మలన్ 894 పాయింట్లతో అగ్రస్థానంలో కొనసాగుతున్నాడు. అద్భుత హాఫ్ సెంచరీతో ఇంగ్లాండ్కు విజయాన్ని అందించిన జోస్ బట్లర్.. తిరిగి టాప్-20లో స్థానం పొందాడు. ప్రస్తుతం 19వ స్థానంలో ఉన్నాడు.
భారత ఆటగాడు శ్రేయస్ అయ్యర్ (32 స్థానాలు మెరుగుపరుచుని 31వ ర్యాంకు), రిషభ్ పంత్ (30 స్థానాలు మెరుగుపరుచుకుని 80వ ర్యాంకు) బౌలర్ శార్దూల్ ఠాకూర్ (14 స్థానాలు మెరుగుపరుచుకుని 27వ ర్యాంకు) వారి స్థానాలను మెరుగుపరుచుకున్నారు. ఇంగ్లిష్ బ్యాట్స్మెన్ బెయిర్ స్టో 14, జేసన్ రాయ్ 24 ర్యాంకులను దక్కించుకున్నారు.
ఇంగ్లాండ్ ఫాస్ట్ బౌలర్ జోఫ్రా ఆర్చర్ 43 స్థానాలు మెరుగయ్యాడు. ప్రస్తుతం 34వ ర్యాంకులో ఉన్నాడు. మరో ఇంగ్లిష్ బౌలర్ మార్క్ఉడ్ ఏకంగా 59 స్థానాలను మెరుగుపరుచుకుని 39వ ర్యాంకులోకి దూసుకొచ్చాడు.
వన్డే విభాగంలో తొలి రెండు స్థానాలలో టీమ్ఇండియా కెప్టెన్ విరాట్ కోహ్లీ, వైస్ కెప్టెన్ రోహిత్ శర్మ తమ స్థానాలను పదిలం చేసుకున్నారు. శ్రీలంకతో సిరీస్లో అద్భుతంగా రాణించిన విండీస్ క్రికెటర్ షై హోప్ ఐదు స్థానాలు మెరుగయ్యాడు. ప్రస్తుతం 8వ ర్యాంకును పొందాడు.
ఇదీ చదవండి: పంత్ వల్లే డీఆర్ఎస్లు విఫలం: అశ్విన్
