ఆస్ట్రేలియా మాజీ కెప్టెన్ ఇయాన్ చాపెల్ క్రికెట్లో డిసిషన్ రివ్యూ పద్దతి(డీఆర్ఎస్) వినియోగాన్ని వ్యతిరేకించాడు. ప్రస్తుతం ఈ పద్దతిని మ్యాచ్ జరిగే సమయంలో జట్లు పైచేయి సాధించేందుకు ఓ వ్యూహంగా ఉపయోగిస్తున్నారని ఆరోపించాడు. అంపైరింగ్ నిర్ణయాలు పోటీ ఫలితాన్ని నిర్ధరించేందుకు ఉపయోగించకూడదని పేర్కొన్నాడు. ఇటీవలే ఓ మీడియాకు ఇచ్చిన ఇంటర్వూలో చాపెల్ ఈ వ్యాఖ్యలు చేశాడు.
"డీఆర్ఎస్పై బీసీసీఐ అపనమ్మకాన్ని కలిగి ఉంది. ఈ విషయంలో నేను కూడా బోర్డుకు మద్దతు తెలిపే సందర్భం దగ్గర్లోనే ఉంది. ఎందుకంటే నాకు డీఆర్ఎస్ పద్దతిపై పెద్దగా నమ్మకం లేదు. ఐసీసీ నిర్దేశించిన ప్రధాన లక్ష్యాల్లో కనీసం రెండింటినైనా సాధించలేకపోతోంది. సరైనా నిర్ణయానికి రాకపోవడం, ప్రశ్నించే గొంతులను అణగదొక్కడం, పరిమిత సంఖ్యలో సమీక్షలు జరిగే వరకు ఆ లక్ష్యాలు ఎప్పటికీ నెరవేరవు. అంపైరింగ్ నిర్ణయాలు క్రికెట్లో భాగంగా ఉండకూడదు."
-ఇయాన్ చాపెల్, ఆస్ట్రేలియా మాజీ క్రికెటర్
ఇంగ్లాండ్, వెస్టిండీస్ మధ్య జరుగుతున్న రైస్ ది బ్యాట్ టెస్టు సిరీస్లో.. ప్రతి ఇన్నింగ్స్లో ఒక్కో జట్టుకు మూడు సమీక్షలు ఇచ్చారు. అయితే, ఇందులో డీఆర్ఎస్ వల్ల అవకతవకలు జరుగుతున్నట్లు చాపెల్ వెల్లడించాడు.
