టీమ్ఇండియా మాజీ కెప్టెన్ ధోనీతో తనను పోల్చుకోవడం యువ క్రికెటర్ రిషభ్ పంత్ మానుకోవాలని మాజీ సెలక్టర్ ఎమ్ఎస్కే ప్రసాద్ సూచించారు. తనకున్న అద్భుతమైన ప్రతిభతో రాణించగల సత్తా పంత్లో ఉందని అన్నారు.
"రిషబ్ పంత్ను ప్రతిసారీ ధోనీతో పోల్చుతున్నారు. బహుశా అతడూ అదే ఆనందంలో ఉన్నాడు. ఆ ఆలోచన నుంచి బయటకు రావాలని మేం చాలాసార్లు సూచించాం. మహీది పూర్తిగా భిన్న వ్యక్తిత్వం.. అతడితో పోలిస్తే పంత్ కూడా అసాధారణమైన ఆటగాడే. ఇతడిలోనూ ప్రతిభ ఉంది. అందుకే పంత్కు మద్దతు ఇస్తున్నాం. అయినా ఇప్పటికీ ధోనీతో పోల్చుకోవడం సరైనది కాదు. అదృష్టవశాత్తూ మహీ ఇప్పుడు రిటైర్ అయ్యాడు. ఇప్పుడైనా పంత్ అతడితో పోల్చుకోవడం మానేసి ఆటపై నిలకడ అందుకుంటాడని భావిస్తున్నాను"
- ఎమ్ఎస్కే ప్రసాద్, టీమ్ఇండియా మాజీ సెలెక్టర్
పంత్ తన ప్రతిభతో అత్యున్నత స్థాయికి ఎదుగుతాడని ఎమ్ఎస్కే ప్రసాద్ ఆశాభావం వ్యక్తం చేశారు. ఆస్ట్రేలియా, ఇంగ్లాండ్లతో జరిగిన టెస్టు సిరీస్లలో సెంచరీ సాధించిన తొలి వికెట్ కీపర్-బ్యాట్స్మన్గా రిషబ్ పంత్ ఘనత సాధించాడని ప్రశంసించారు. దీనిని బట్టి చూస్తే రిషభ్ సొంతంగా జట్టులో ఎదగగలడని తెలిపారు.
