క్రికెట్​లోని అన్ని ఫార్మాట్లకు మెక్​కల్లమ్​ వీడ్కోలు

న్యూజిలాండ్ మాజీ సారథి బ్రెండన్ మెక్​కల్లమ్ క్రికెట్​లోని అన్ని ఫార్మాట్ల నుంచి తప్పుకుంటున్నట్లు ప్రకటించాడు. ప్రస్తుతం కెనడా గ్లోబల్​ టీ20 లీగ్​లో ఆడుతున్న ఈ క్రికెటర్​... టోర్నీ తర్వాత ఆటకు గుడ్‌బై చెప్పనున్నాడు.

కివీస్​ మాజీ కెప్టెన్ బ్రెండన్ మెక్‌కల్లమ్ క్రికెట్‌లోని అన్ని ఫార్మాట్ల నుంచి వైదొలగనున్నట్లు సోమవారం వెల్లడించాడు. కెనడా గ్లోబల్ టీ20 లీగ్​లో టొరంటో నేషనల్స్ జట్టుకు ప్రాతినిధ్యం వహిస్తున్న మెక్​కల్లమ్‌... ఈ టోర్నీ తర్వాత పూర్తిగా క్రికెట్​కు వీడ్కోలు పలకనున్నట్లు స్పష్టం చేశాడు.

మెక్​కల్లమ్​ ప్రకటన

" క్రికెట్​ నుంచి పూర్తిగా వైదొలుగుతున్నట్లు మీ అందరితో పంచుకోవడం చాలా ఆనందంగా ఉంది. కెనడా టీ20 లీగ్​ తర్వాత క్రికెట్​కు వీడ్కోలు పలుకుతున్నాను. యూరో టీ20 స్లామ్​లో ఆడాలని అనుకోట్లేదు. నా నిర్ణయానికి మద్దతిచ్చిన నిర్వాహకులకు నా ధన్యవాదాలు. క్రికెట్​లోకి అడుగుపెట్టి 20 ఏళ్ల కెరీర్​ పూర్తి చేసుకోవడాన్ని గర్వంగా ఫీలవుతున్నా. ఇంతకాలం ఆడతానని ఆటలోకి అడుగుపెట్టినపుడు అనుకోలేదు".
--మెక్​కల్లమ్​, న్యూజిలాండ్​ క్రికెటర్​

సిక్సర్ల వీరుడు...

2002లో అంతర్జాతీయ క్రికెట్​లోకి అడుగుపెట్టిన ఈ విధ్వంసక బ్యాట్స్​మన్​.. 101 టెస్టులు, 260 వన్డేలు, 71 టీ20లు ఆడాడు. వన్డేల్లో 6,083 పరుగులు, అంతర్జాతీయ టీ20 మ్యాచ్​ల్లో 2,140 రన్స్​, టెస్టుల్లో 6,453 పరుగులు సాధించాడు.

మొత్తం టీ20 కెరీర్​లో 370 మ్యాచ్​ల్లో 9,922 పరుగులు చేశాడు. టెస్ట్ క్రికెట్‌లో అత్యధిక సిక్సులు కొట్టిన ఆటగాడిగా రికార్డు ఇతడి సొంతం. 2016లోనే అంతర్జాతీయ క్రికెట్‌కు వీడ్కోలు పలికిన ఈ 37 ఏళ్ల కివీస్ క్రికెటర్...తర్వాత ఇండియన్​ ప్రీమియర్​ లీగ్​(ఐపీఎల్​) సహా కొన్ని టీ20 లీగ్​లలో ఆడాడు. ఐపీఎల్ తొలి సీజన్​లో కోల్​కతా జట్టులో తొలిసారి ఆడిన మెక్​కల్లమ్​... రాయల్​ ఛాలెంజర్స్​ బెంగళూరుపై 73 బంతుల్లో 158 పరుగులు చేసి నాటౌట్​గా నిలిచాడు. ఈ ఇన్నింగ్స్​ అతడి టీ20 కెరీర్​లో మరపురానిది. కెనడా లీగ్​లో తన చివరి మ్యాచ్‌ను మాంట్రియల్ టైగర్స్‌తో ఆడనున్నాడు.

• Brendon McCullum has announced he will retire from cricket at the conclusion of the GT20 in Canada.
  
  Thanks for the entertainment @Bazmccullum!https://t.co/h1wZqyb3dD

  — ICC (@ICC) August 5, 2019 " class="align-text-top noRightClick twitterSection" data="

  Brendon McCullum has announced he will retire from cricket at the conclusion of the GT20 in Canada.
  
  Thanks for the entertainment @Bazmccullum!https://t.co/h1wZqyb3dD

  — ICC (@ICC) August 5, 2019

  ">

  Brendon McCullum has announced he will retire from cricket at the conclusion of the GT20 in Canada.
  
  Thanks for the entertainment @Bazmccullum!https://t.co/h1wZqyb3dD

  — ICC (@ICC) August 5, 2019

ఇవీ చూడండి...వెటోరీ జెర్సీ రిటైర్: కివీస్ క్రికెట్ బోర్డు