టీమిండియా పేసర్ బుమ్రా చేసిన తప్పిదం తన క్రికెట్ కెరీర్కు కొత్త మలుపునిచ్చిందని తెలిపాడు పాకిస్థాన్ బ్యాట్స్మెన్ ఫకర్ జమాన్. ఇంగ్లాండ్ వేదికగా 2017లో జరిగిన ఛాంపియన్స్ ట్రోఫీ ఫైనల్లో జమాన్ 3 పరుగుల వ్యక్తిగత స్కోర్ వద్ద బుమ్రా బౌలింగ్లో ఔటయ్యాడు. అది కాస్త నోబాల్గా తేలింది. అందివచ్చిన అవకాశాన్ని ఉపయోగించుకొని ఫకర్ చెలరేగి ఆడాడు. కెరీర్లో తొలి శతకాన్ని నమోదు చేశాడు. ఈ మ్యాచ్లో భారత్ ఓడిపోయింది. ఫకర్ జమాన్ 114 పరుగులు చేసి పాక్ జట్టు గెలుపులో కీలకపాత్ర పోషించాడు. ఆ విషయంపై తాజాగా ఫకర్ జమాన్ మాట్లాడాడు.
"బుమ్రా నోబాల్ నాకు కొత్త జీవితాన్నిచ్చింది. ఫైనల్‌కి ముందు నోబాల్‌‌‌కు ఔటవ్వాలనే కల ఉండేది. అనుకోకుండా అది నిజమైంది. భారత్‌పై మ్యాచ్లో బాగా ఆడతానని నా తల్లిదండ్రులకు మాటిచ్చాను. ఫైనల్లో మొదట ఔట్‌ కాగానే చాలా బాధనిపించింది. అయితే అది నో బాల్‌ అయినందున శతకం చేశాను. ఆ మ్యాచ్ తర్వాత నేను బాగా ఫేమస్ అయిపోయాను. ఫేమ్తో పాటు బాధ్యత కూడా పెరిగింది. గతంతో పోలిస్తే.. ఇప్పుడు పరిణతితో ఆడుతున్నా. ప్రపంచకప్లో రాణించడమే తక్షణ కర్తవ్యం.
- ఫకర్ జమాన్, పాకిస్థాన్ బ్యాట్స్మెన్
ఫకర్ మొదట నేవీలో ఉద్యోగం చేసేవాడు. క్రికెటర్ కావాలన్న కలతో నేవీ తరఫున మ్యాచ్లు ఆడాడు. అతడి బ్యాటింగ్ నచ్చిన కోచ్ మికీ ఆర్థర్, సెలక్టర్ ఇంజిముల్ హఖ్ జాతీయ జట్టులో అవకాశం కల్పించారు. వారి నమ్మకాన్ని నిజం చేస్తూ 36 వన్డేలాడి 51.31 సగటుతో మంచి బ్యాట్స్మెన్గా పేరు సంపాదించాడు ఫకర్ జమాన్.
ఇవీ చూడండి.. 'టీమిండియాలో వరస్ట్ డ్యాన్సర్ ఎవరంటే..?'
