ఓల్డ్ ట్రాఫోర్డ్ వేదికగా ఇంగ్లాండ్-వెస్టిండీస్ల మధ్య జరుగుతోన్న చివరి టెస్టు ఉత్కంఠకు దారితీస్తోంది. నాలుగో రోజు వర్షం కారణంగా ఆట తుడిచిపెట్టుకుపోవడం వల్ల ఇంగ్లీష్ జట్టు విజయం కాస్త ఆలస్యమైంది. అయిుతే ఇంకా చివరి రోజు ఆట మిగిలి ఉండటం వల్ల రూట్సేనకు విజయావకాశాలు మూసుకుపోలేదు. కరీబీయన్ జట్టు విజయానికి ఇంకా 389 పరుగులు అవసరం కాగా.. ఇంగ్లీష్ జట్టు ఇంకో 8 వికెట్ల దూరంలో నిలిచింది.
ఇంగ్లాండ్ జట్టు విజయానికి వర్షం అడ్డంకిగా మారింది. ఫలితంగా ఆట చివరి రోజుకు చేరింది. నాలుగో రోజు ఆట జరగకపోగా.. వెస్టిండీస్ 2 వికెట్ల నష్టానికి 10 పరుగులతో నిలిచింది. క్రేగ్ బ్రాత్వైట్ (2), షై హోప్ (4) పరుగులతో క్రీజులో ఉన్నారు. గెలుపునకు విండీస్ ఇంకా 389 పరుగుల దూరంలో ఉంది. ఇప్పటికే సిరీస్ 1-1 తేడాతో సమం కాగా.. ఈ మ్యాచ్లో ఎలాగైనా గెలిచి ట్రోఫీ కైవసం చేసుకోవాలని ఇరుజట్లు భావిస్తున్నాయి.
