ఈ జట్టుతో ప్రమాదమే..

రానున్న ప్రపంచకప్​లో మిగతా జట్లకు వెస్టిండీస్​తో ప్రమాదం పొంచి ఉందని ఆల్​రౌండర్ బ్రావో హెచ్చరించాడు.

ప్రపంచకప్​ ఫేవరెట్లలో ఒకటైన ఇంగ్లండ్​పై స్ఫూర్తిదాయక ఆట ప్రదర్శించింది వెస్టిండీస్​. స్వదేశంలో జరిగిన ఈ సిరీస్​ను 2-2తో డ్రాగా ముగించింది కరీబియన్ జట్టు.

ప్రస్తుత ఫాంను బట్టి చూస్తే రాబోయే ప్రపంచకప్​లో వెస్టిండీస్ ప్రమాదకారి అని ఆ దేశ ఆల్​రౌండర్ డ్వేన్ బ్రావో విశ్లేషించాడు. ఇంగ్లండ్ జట్టుపై అదిరే ప్రదర్శనతో అందరినీ ఆశ్చర్యపరిచిందని తెలిపాడు.

మా జట్టులో కొందరు యువ ఆటగాళ్లు ఆకట్టుకుంటున్నారు. వారి ఆట రోజురోజుకి మెరుగపడుతోంది. దీన్ని బట్టి చూస్తే ప్రపంచకప్​లో కరీబియన్ జట్టుతో మిగతా టీమ్​లకు ప్రమాదమే. తనదైన రోజు ఏ జట్టు అయినా చెలరేగుతుంది. కానీ నేను కచ్చితంగా చెబుతున్నా.. ప్రస్తుతం వెస్టిండీస్ సూపర్ ఫాంలో ఉంది ---డ్వేన్ బ్రావో