టీమ్ఇండియా సారథి విరాట్ కోహ్లీకి సోమవారం కూతురు జన్మించింది. ఈ విషయాన్ని స్వయంగా అతడే సామాజిక మాధ్యమాల ద్వారా వెల్లడించాడు. దాంతో పాటే ఈ అపురూప సమయంలో తమ కుటుంబ గోప్యతకు గౌరవం ఆశిస్తున్నట్లు చెప్పాడు. అయితే ఇప్పుడు తన కూతురి ఫొటోగా ఓ చిన్నారి పాదాలు సామాజిక మాధ్యమాల్లో చక్కర్లు కొడుతున్నాయి. ఎందుకంటే అది పెట్టింది స్వయానా విరాట్ అన్న వికాస్ కోహ్లీ.
శుభవార్తను విరాట్ వెల్లడించిన తర్వాత ఇన్స్టాగ్రామ్లో తన సంతోషాన్ని పంచుకున్నారు వికాస్. "సంతోషంగా ఉంది.. ఇంట్లోకి దేవత వచ్చింది" అని పోస్టు చేశారు. దానితో పాటే ఓ చిన్నారి పాదాలు ఉన్న ఫొటో జతచేశారు. అయితే ఈ చిత్రంలో ఉన్నది విరాట్ గారాలపట్టి అని నిర్ధరణ కాలేదు. ఫొటో పెట్టిన కొద్దిసేపటికే విరాట్ కూతురు అంటూ నెట్టింట్లో విపరీతంగా వైరల్ అవుతోంది.
- " class="align-text-top noRightClick twitterSection" data="
">
ఇదీ చూడండి: భారత కెప్టెన్ కోహ్లీ దంపతులకు ఆడపిల్ల
