రెండు నెలలు క్రికెట్కు తాత్కాలిక విరామం ప్రకటించిన ధోని.. ప్రస్తుతం అమెరికాలో సందడి చేస్తున్నాడు. అక్కడ గోల్ఫ్ ఆడుతూ కనిపించాడు. ఈ విషయాన్ని సామాజిక మాధ్యమాల్లో పంచుకున్నాడు కేదార్ జాదవ్.
" అందరికీ జాతీయ క్రీడా దినోత్సవ శుభాకాంక్షలు. ఆగస్టు 29న దిగ్గజ హాకీ ఆటగాడు ధ్యాన్చంద్ పుట్టిన రోజు సందర్భంగా అతడిని స్మరించుకున్నాం ".
-- కేదార్ జాదవ్, భారత క్రికెటర్
తాజాగా దక్షిణాఫ్రికా టీ 20 జట్టులో ధోనిని ఎంపిక చేయలేదు సెలక్టర్లు. ప్రస్తుతం విండీస్ టూర్లో ఉన్న టీమిండియా జట్టులో కేదార్ జాదవ్ కూడా చోటు దక్కించుకోలేకపోయాడు. కేదార్, ధోని చెన్నై సూపర్ కింగ్స్ జట్టులోని సభ్యులు. ఇటీవల ప్రపంచకప్లోనూ వీరిద్దరూ టీమిండియా తరఫున ఆడారు.
మహీ లేకుండానే విండీస్ టూర్ వెళ్లిన కోహ్లీ సేన .. అద్భుతమైన ఆటతీరుతో టీ20, వన్డే సిరీస్ను సొంతం చేసుకుంది. ఇప్పటికే తొలి టెస్టు భారత జట్టు కైవసం చేసుకోగా.. చివరి టెస్టు మ్యాచ్ నేడు జమైకా వేదికగా ప్రారంభం కానుంది.
