ఆంధ్రప్రదేశ్, తెలంగాణ, కర్ణాటకలో త్వరలోనే మహేంద్ర సింగ్ ధోనీ క్రికెట్ అకాడమీలు ప్రారంభంకానున్నాయి. ఈ మేరకు ఆర్కా స్పోర్ట్స్ మేనేజ్మెంట్ ప్రైవేట్ లిమిటెడ్, బ్రెయినియాక్స్ బీ సంస్థలు ఒప్పందం కుదుర్చుకున్నాయి. బెంగళూరు మినహా ఈ మూడు రాష్ట్రాల్లోని విద్యార్థులకు అత్యున్నత నాణ్యమైన క్రికెట్ శిక్షణ అందించనున్నట్లు నిర్వాహకులు తెలిపారు. వచ్చే రెండేళ్లలో ఈ అకాడమీలను ఏర్పాటు చేయనున్నారు.
ఆర్కాకు ఇప్పటికే దేశవ్యాప్తంగా 50 అకాడమీలు ఉన్నాయి. విదేశాల్లో మరో మూడు ఉన్నాయి. 500లకు పైగా కోచ్లు.. 10వేల మందికి పైగా విద్యార్థులకు శిక్షణ అందిస్తున్నట్లు ఆర్కా స్పోర్ట్స్ ఎండీ మిహిర్ దివాకర్ తెలిపారు.
ప్రపంచంలోనే అత్యుత్తమ క్రికెటర్ ఎంఎస్ ధోనీ మార్గనిర్దేశం, పర్యవేక్షణలో విద్యార్థులకు ప్రపంచస్థాయి కోచింగ్ అందించడం ఆనందంగా ఉందని బ్రెయినియాక్స్ బీ డైరెక్టర్ వినోద్ కుమార్ అన్నారు.
ఇదీ చూడండి: 'ధోనీని చూస్తుంటే సుశాంత్ గుర్తొస్తున్నాడు'
