ఐసీసీ టీ20 పురుషుల ర్యాంకింగ్స్లో ఇంగ్లాండ్ ఆటగాడు డేవిడ్ మలన్ సరికొత్త రికార్డు సృష్టించాడు. దక్షిణాఫ్రికాతో సిరీస్లో ఉత్తమ ప్రదర్శన కనబరిచి 915 పాయింట్లు సాధించాడు. దీంతో టీ20 చరిత్రలోనే ఎక్కువ రేటింగ్ పాయింట్స్ సంపాదించిన తొలి బ్యాట్స్మన్గా నిలిచాడు.
ఈ ఘనతతో మలన్, గతేడాది టీ20ల్లో టాప్లో నిలిచిన ఆస్ట్రేలియా క్రికెటర్ అరోన్ ఫించ్(900 పాయింట్లు) అధిగమించాడు. ఈ ఏడాది జాబితాలో రెండో స్థానంలో ఉన్న బాబర్ అజమ్ కన్నా మలన్కు 44 పాయింట్లు ఎక్కువ ఉండటం విశేషం.
ఐసీసీ బుధవారం వెల్లడించిన ఈ ర్యాంకింగ్స్లో భారత బ్యాట్స్మెన్ కేఎల్ రాహుల్, విరాట్ కోహ్లీ టాప్-10లో చోటు దక్కించుకున్నారు. రాహుల్కు నాలుగో స్థానం దక్కగా కోహ్లీ తొమ్మిదిలో నిలిచాడు. దక్షిణాఫ్రికాతో సిరీస్ గెలుచుకున్న తర్వాత టీ20ల్లో టాప్ అగ్రస్థానానికి చేరుకుంది ఇంగ్లాండ్.
