ఆస్ట్రేలియా క్రికెటర్ డేవిడ్ వార్నర్ లాక్డౌన్ సమయంలో తన ప్రతిభను బయటపెడుతున్నాడు. టిక్టాక్ వీడియోలు చేస్తూ అభిమానుల్లో జోష్ నింపుతున్నాడు. తాజాగా తన కూతుళ్లతో కలిసి చేసిన మరో టిక్టాక్ వీడియోను నెట్టింట షేర్ చేశాడు వార్నర్. ఇందులో అక్షయ్ కుమార్ 'బాలా' పాటకు చిందులేశాడు. అతడి డ్యాన్స్ను కాపీ కొడుతూ క్యూట్గా స్టెప్పులేశారు వార్నర్ కూతుళ్లు.
వార్నర్ వీడియోలకు ప్రశంసలతో పాటు ట్రోల్స్ కూడా వస్తున్నాయి. అయినా అవేమీ పట్టించుకోకుండా వరుస వీడియోలతో సందడి చేస్తున్నాడీ ఆసీస్ క్రికెటర్. ఇప్పటికే చాలా వీడియోలు చేసిన ఈ ఆటగాడు ప్రస్తుతం వేరొకరి వీడియోలకు డ్యూయెట్ చేస్తున్నాడు.
- " class="align-text-top noRightClick twitterSection" data="View this post on Instagram
When your clowns want to copy your dance 😂😂 #bala #thebalachallenge #akshay @akshaykumar
">
ఇంతకుముందు మహేశ్బాబు నటించిన 'సరిలేరు నీకెవ్వరు' సినిమాలోని 'మైండ్బ్లాక్' పాటకు తన భార్యతో కలిసి చిందేసి ఆకట్టుకున్నాడు వార్నర్. తన కంటే క్యాండీస్(వార్నర్ భార్య) బాగా డ్యాన్స్ చేసిందని రాసుకొచ్చాడు. 'బుట్టబొమ్మ', 'రాములో రాములా', 'పక్కా లోకల్' వంటి గీతాలకూ డ్యాన్స్లు చేసి అలరించాడు. వీటితో పాటే పలు హిందీ పాటలకు కాలు కదిపాడు. ఈ వీడియోలన్నీ సోషల్ మీడియాలో తెగ వైరల్గా మారాయి
