లాక్డౌన్ సమయంలో తనను మించిన ఎంటర్‌టైనర్‌ లేడు ఇకపై రాడు అనేలా విజృంభిస్తున్నాడు ఆస్ట్రేలియా క్రికెటర్ డేవిడ్ వార్నర్. టిక్టాక్ వీడియోలతో అభిమానులను అలరిస్తూ నెట్టింట సంచలనం సృష్టిస్తున్నాడు. ఈ కొద్ది కాలం వ్యవధిలోనే లక్షల మంది ఫాలోవర్స్‌ను సంపాదించుకున్న ఈ విధ్వంసకర ఓపెనర్‌ తాజాగా మరో వీడియోను పోస్ట్ చేశాడు. క్రికెట్‌లో తనకు ఏ ఫార్మాట్ అంటే ఇష్టమో.. ఈ టిక్టాక్ వీడియో ద్వారా తెలిపాడు.
ఈ వీడియోలో వార్నర్ ఓ అద్దం ముందు సాధారణ దుస్తులతో నిలబడి ఉంటాడు. అకస్మాత్తుగా గారడి చేసినట్లుగా అద్దంలో తన దుస్తులు ఆస్ట్రేలియా టీ20 జెర్సీలోకి మారిపోతాయి. అనంతరం వన్డే జెర్సీ, ఆ తర్వాత టెస్ట్ క్రికెట్ జెర్సీలోకి మారిపోతుంది. టెస్ట్ క్రికెట్ జెర్సీలోకి మారిపోగానే ఎంతో ఉత్సాహంతో ఎగిరి గంతేశాడు వార్నర్. "టెస్ట్ క్రికెట్ ఫార్మాట్ను నేను అమితంగా ఇష్టపడతాను. ఏమంటారు మీరు?" అంటూ వ్యాఖ్య జోడించాడు.
ఇటీవల రోహిత్ శర్మతో ఇన్స్టా లైవ్ సెషన్లో పాల్గొన్న వార్నర్.. ఐపీఎల్ 13వ సీజన్లో సన్రైజర్స్ హైదరాబాద్ జట్టుకు సారథ్యం వహించాలని ఆశిస్తున్నట్లు తెలిపాడు. ప్రస్తుతం కరోనా నేపథ్యంలో ఐపీఎల్ను నిరవధిక వాయిదా వేసంది బీసీసీఐ.
- " class="align-text-top noRightClick twitterSection" data="View this post on Instagram
Here it is, my favourite form of cricket. What do you think?? #cricket #fun #sport
">
ఇదీ చూడండి : లాక్డౌన్ క్రికెటర్లు: ఆన్లైన్లోఆట.. లైక్ల వేట
