ఆస్ట్రేలియా-న్యూజిలాండ్ మధ్య జరగనున్న చివరి టీ20 మ్యాచ్కు ప్రేక్షకులను అనుమతించనున్నారు. వెల్లింగ్టన్ వేదికగా న్యూజిలాండ్-ఇంగ్లాండ్ మహిళా జట్ల మధ్య జరగాల్సిన టీ20 సిరీస్కూ అభిమానులను అనుమతించనున్నట్లు కివీస్ బోర్డు ప్రకటించింది.
కొవిడ్ దృష్ట్యా న్యూజిలాండ్ ప్రభుత్వం లాక్డౌన్ విధించిన నేపథ్యంలో.. ప్రేక్షకులను అనుమతించబోమని తొలుత కివీస్ క్రికెట్ బోర్టు ప్రకటించింది. ఇప్పుడు కరోనా నిబంధనల తొలగింపుతో అనుమతిస్తోంది.
న్యూజిలాండ్లో జరుగుతున్న 5 మ్యాచ్ల టీ20 సిరీస్లో 2-2తో ఆస్ట్రేలియా, కివీస్ సమంగా ఉన్నాయి. ఈ నేపథ్యంలో చివరి మ్యాచ్ ఆసక్తికరంగా మారనుంది. మరోవైపు ఇంగ్లాండ్ మహిళల జట్టు 2-0తో సిరీస్ కైవసం చేసుకుంది.
ఇదీ చదవండి:సెహ్వాగ్ 35 బంతుల్లో 80- ఇండియా లెజెండ్స్ విజయం
