చెన్నై ఎంఏ చిదంబరం మైదానం వేదికగా 2016లో ఇంగ్లాండ్ చివరగా టెస్టు మ్యాచ్ ఆడింది. అయితే ఈ మ్యాచ్ ఓటమి తమ జట్టుకు పెద్ద గుణపాఠం నేర్పిందని అన్నాడు ఇంగ్లాండ్ వికెట్కీపర్ జోస్ బట్లర్. ఫిబ్రవరి 5న ప్రారంభంకానున్న ఇంగ్లాండ్-భారత్ టెస్టు సిరీస్లో భాగంగా తొలి రెండు టెస్టులు అదే స్టేడియంలో జరగనున్నాయి. ఈ నేపథ్యంలోనే బట్లర్ ఈ విధంగా మాడ్లాడాడు.
"చెన్నైలో నాలుగేళ్ల క్రితం ఆడాం. అప్పుడు తొలి ఇన్నింగ్స్లో మేము 470కుపైగా పరుగులు చేశాం. అయితే కరణ్ నాయర్(303*) ఇన్నింగ్స్ తోడవ్వడం వల్ల టీమ్ఇండియా 700కు పైగా పరుగులు చేసింది. అయితే ఈ మ్యాచ్ మాకు చాలా పెద్ద గుణపాఠం నేర్పింది. ఇంగ్లాండ్ పిచ్లపై తొలి ఇన్నింగ్స్లో సగటున 300-350స్కోరు చేయొచ్చు. అదే భారత్లో వికెట్లను కాపాడుకుంటే తొలి రెండు రోజుల్లో 600-650 పరుగులు చేసే అవకాశం ఉంటుంది. ఒకవేళ బంతి బాగా స్పిన్ అయితే అంతకంటే కాస్త తక్కువ స్కోరుకే పరిమితమయ్యే ప్రమాదం ఉంది. కాబట్టి బ్యాట్స్మెన్ పరిస్థితులను అర్థంచేసుకుని ఆడాలి. అప్పుడే భారీ స్కోరు చేయగలం."
-జోస్ బట్లర్, ఇంగ్లాండ్ వికెట్ కీపర్.
2016లో జరిగిన టెస్టులో ఇంగ్లాండ్ను 75 పరుగులు తేడాతో ఓడించింది భారత్. ఈ మ్యాచ్లోని తొలి ఇన్నింగ్స్లో ఇంగ్లాండ్ 477 పరుగులు చేయగా.. కరుణ్ ఇన్నింగ్స్(303*)తో టీమ్ఇండియా కెరీర్లోనే అత్యధిక స్కోరు(759/7పరుగులు) నమోదు చేసింది.
ఇదీ చూడండి : బైబై2020: ఈ ఏడాది అత్యధిక టెస్టు పరుగులు వీరివే!
