న్యూజిలాండ్తో జరిగిన వన్డే సిరీస్లో టీమిండియా పేసర్ జస్ప్రీత్ బుమ్రా ఒక్క వికెట్ కూడా సాధించలేకపోయాడు. ఫలితంగా విమర్శల పాలయ్యాడు. తాజాగా ఈ విషయమై స్పందించిన భారత మాజీ పేసర్ జహీర్ ఖాన్ బుమ్రా మరింత దూకుడుగా ఉండాలని సూచించాడు.
"బుమ్రా తన బౌలింగ్తో ఎంతో గుర్తింపు సాధించాడు. మరి అలాంటప్పుడు దానిని కాపాడుకోవాల్సిన అవసరం ఉంది. వికెట్లను సాధించాలంటే మరింత దూకుడుగా ఆడాలి."
-జహీర్ ఖాన్, టీమిండియా మాజీ పేసర్
ప్రత్యర్థి జట్లు బుమ్రా బౌలింగ్ను ఎదుర్కొనేందుకు తగిన ప్రణాళికలు రచిస్తున్నాయని తెలిపాడు జహీర్. వారు బుమ్రా వేసిన 10 ఓవర్లలో 35 పరుగులు వచ్చినా చాలనుకుని.. మిగతా బౌలర్ల బౌలింగ్లో ఎదురుదాడి చేస్తున్నారని అన్నాడు.
"బుమ్రా బౌలింగ్కు బ్యాట్స్మెన్ గౌరవం ఇస్తూ వికెట్లను కాపాడుకుంటున్నారు. అలాంటప్పుడు బుమ్రా వారిని బంతిని ఆడేలా చేయాలి. పరుగుల్ని కట్టడి చేయడం కంటే వికెట్లను తీయడంపై బుమ్రా దృష్టిసారించాలి."
-జహీర్ ఖాన్, టీమిండియా మాజీ పేసర్
భారత్-న్యూజిలాండ్ మధ్య రెండు మ్యాచ్ల టెస్టు సిరీస్ ఈనెల 21న ప్రారంభంకానుంది. ఇప్పటికే జరిగిన టీ20 సిరీస్ను టీమిండియా కైవసం చేసుకోగా.. వన్డే సిరీస్ను కివీస్ దక్కించుకుంది.
