ప్రపంచ క్రికెట్లో ప్రస్తుతం అత్యంత తెలివైన బౌలర్ బుమ్రా అని పాక్ మాజీ పేసర్ షోయబ్ అక్తర్ చెప్పాడు. మహ్మద్ ఆమిర్తో పాటు బుమ్రాపై ప్రశంసలు కురిపించాడు.
"అతడు (బుమ్రా) చాలా తెలివైన బౌలర్. అయితే బుమ్రా, మహ్మద్ ఆమిర్, వసీం అక్రమ్ల కన్నా మహ్మద్ ఆసిఫ్ విధ్వంసకర బౌలర్. అతడి బౌలింగ్లో ఆడాలంటే బ్యాట్స్మెన్కు ఏడుపొచ్చేది. దిగ్గజాలు లక్ష్మణ్, డివిలియర్స్లే విలవిలలాడిపోయేవారు. ఆసిఫ్ తర్వాత అంత తెలివైన బౌలర్ ప్రస్తుతానికి బుమ్రానే" -షోయబ్ అక్తర్, పాక్ మాజీ పేసర్
ఇషాంత్, షమిల గైర్హాజరీతో భారత పేస్ దళాన్ని బుమ్రా ముందుండి నడిపిస్తున్నాడు. తొలి రెండు టెస్టుల్లో కలిపి 8 వికెట్లు తీశాడు. అతడి దూకుడు బౌలింగ్ లెంగ్త్లో ఉంటుందని, స్వభావంలో కాదని అక్తర్ చెప్పాడు.
"టెస్టు క్రికెట్లో అతడి ఫిట్నెస్పై చాలామందికి అనుమానాలు ఉండేవి. అయితే అతడు వేగవంతమైన బౌన్సర్లతో బ్యాట్స్మెన్ను బోల్తా కొట్టిస్తాడు. బుమ్రాది మంచి వ్యక్తిత్వం. అతడి దూకుడు బౌలింగ్ లెంగ్త్లో ఉంటుంది, స్వభావంలో కాదు. క్లిష్ట పరిస్థితుల్లో మ్యాచ్ను గెలిపించగల సత్తా ఉన్న బౌలర్ బుమ్రా" -షోయబ్ అక్తర్, పాక్ మాజీ పేసర్
నాలుగు మ్యాచ్ల టెస్టు సిరీస్లో 1-1తో భారత్, ఆస్ట్రేలియా సమంగా ఉన్నాయి. తొలి టెస్టులో ఘోరంగా ఓడిపోయిన టీమ్ఇండియా.. బాక్సింగ్డే మ్యాచ్లో పుంజుకుని చిరస్మరణీయ విజయం అందుకుంది. జనవరి 7 నుంచి సిడ్నీలో మూడో టెస్టు ప్రారంభం కానుంది.
ఇదీ చూడండి: 'భారత బౌలర్ల ఉచ్చులో పడిపోయాం'
