ఇంగ్లాండ్ ఫాస్ట్ బౌలర్ స్టువర్ట్ బ్రాడ్.. టెస్టు క్రికెట్లో 500 వికెట్లు దక్కించుకుని అరుదైన ఘనత సాధించాడు. ప్రస్తుతం మాంచెస్టర్ వేదికగా వెస్డిండీస్తో జరుగుతోన్న మూడో టెస్టులో ఈ రికార్డు సృష్టించాడు. ఈ నేపథ్యంలో అతడిపై ప్రశంసలు వెలువెత్తుతున్నాయి. అయితే తాజాగా దీనిపై స్పందించిన తన సహచర దిగ్గజ ఆటగాడు జేమ్స్ అండర్సన్.. బ్రాడ్పై ప్రశంసలతో ముంచెత్తాడు. ఇలానే అద్భుతమైన ప్రదర్శన కొనసాగిస్తే భవిష్యత్తులో తన రికార్డును బద్దలకొడతాడని అభిప్రాయపడ్డాడు. మరిన్ని విజయాలు సాధిస్తాడని కొనియాడాడు.
ప్రస్తుతం విండీస్తో జరుగుతోన్న సిరీస్లో గత రెండు టెస్టుల్లో బ్రాడ్ అసాధారణ ప్రదర్శన కనబరిచాడని అన్నాడు అండర్సన్. బ్రాడ్ ఈ ఘనత సాధిస్తాడని తామెవరం అంచనా వేయలేదని వెల్లడించాడు.
ఇంగ్లాండ్ ఫాస్ట్బౌలర్ అండర్సన్, ఆస్ట్రేలియా మాజీ క్రికెటర్, స్పీడ్గన్ గ్లెన్ మెక్గ్రాత్, వెస్టిండీస్ మాజీ ఆటగాడు కోర్ట్నీ వాల్ష్ ఇప్పటికే 500 వికెట్ల క్లబ్లో చేరారు. తాజాగా ఈ జాబితాలో చేరిన..నాలుగొవ క్రికెటర్గా బ్రాడ్ నిలిచాడు.
ఇది చూడండి టెస్టు కెరీర్లో 500 వికెట్లు సాధించిన బ్రాడ్
