మహిళా టీ20 ప్రపంచ కప్లో గెలుపే లక్ష్యంగా టీమ్ఇండియా వరుస విజయాలతో దూసుకెళ్తోంది. ఇటీవలే ఆస్ట్రేలియా, బంగ్లాదేశ్, న్యూజిలాండ్, శ్రీలంకతో జరిగిన మ్యాచ్ల్లో విజయకేతనం ఎగురవేసింది. టోర్నీలో సెమీ ఫైనల్కు చేరిన తొలి జట్టుగా ఘనత సాధించింది.
తాజాగా భారత మహిళా జట్టు విజయాలపై స్పందించాడు ఆస్ట్రేలియా మాజీ బౌలర్ బ్రెట్ లీ. అద్భుతంగా ఆడారని ప్రశంసలతో ముంచెత్తాడు. ముఖ్యంగా విధ్వంసకర ఓపెనర్ షెఫాలీ వర్మ, లెగ్ స్పినర్ పూనమ్ యాదవ్లను కొనియాడాడు. వీరిద్దరూ టీమ్ఇండియా గెలుపులో కీలక పాత్ర పోషించారని తెలిపాడు.
"భారత్ జట్టు మెగాటోర్నీలో ఇదివరకు ఎప్పుడూ ఫైనల్కు చేరుకోలేదు. కానీ ఈసారి భారత జట్టు వేరు. ఇంతకుముందు నేనెప్పుడు చూడని విధంగా మెరుగ్గా ఆడుతున్నారు. షెఫాలీ వర్మ బ్యాట్తో, పూనమ్ యాదవ్ బంతితో విజయాల్లో కీలకపాత్ర పోషిస్తున్నారు."
-బ్రెట్ లీ, ఆసీస్ మాజీ బౌలర్ .
సెమీఫైనల్స్లో ప్రత్యర్థులు వ్యూహాత్మకంగా, ప్రత్యేకమైన శ్రద్ధతో ఆడితేగాని టీమ్ఇండియా జట్టుపై విజయం సాధించలేరని బ్రెట్ లీ అభిప్రాయపడ్డాడు. లేకపోతే భారత్ ఫైనల్స్కు చేరడం ఖాయం అని తెలిపాడు.
ఈ గురువారం భారత మహిళా జట్టు సెమీ ఫైనల్స్లో ఇంగ్లాండ్తో అమీతుమీ తేల్చుకోనుంది. ఈ మ్యాచ్లో గెలిచి తొలిసారి ఫైనల్లో అడుగుపెట్టాలని భావిస్తోంది.
ఇదీ చూడండి : విరాట్ కోహ్లీని పొగడ్తలతోనే పడగొట్టేశారుగా!
