వచ్చే ఏడాది దేశవాళీ సీజన్ నిర్వహించడం కుదరదా? అంటే క్రికెట్ వర్గాలు అవుననే అంటున్నాయి. కరోనా ఉద్ధృతి కారణంగా ఈ సీజన్ నిర్వహణపై బీసీసీఐ సందిగ్ధంలో ఉన్నట్లు తెలుస్తోంది. ఇందులో పాల్గొనే ఆటగాళ్లకు బోర్డు వేతనాలను చెల్లిస్తుంది. ఈసారి మాత్రం మ్యాచులు నిర్వహించకుండా డబ్బులు ఇవ్వాలనే యోచనలో బోర్డు అధికారి ఒకరు చెప్పారు. ప్రస్తుతం ఈ విషయమై చర్చలు సాగుతున్నాయని తెలిపారు.
ఇదే కారణమా?
లాక్డౌన్ తర్వాత బయో బుడగలో క్రికెట్ కార్యకలాపాలు తిరిగి మొదలయ్యాయి. ఈ క్రమంలోనే బుడగలో ఐపీఎల్ను విజయవంతంగా పూర్తిచేసిన బీసీసీఐ.. దేశవాళీ సీజన్కూ సిద్ధమైంది. అయితే ఈ సీజన్లో పాల్గొనే 38 జట్లు కోసం బబుల్ను ఏర్పాటు చేయడం బోర్డుకు కష్టమవుతుందని సదరు అధికారి తెలిపారు. ఒకవేళ సిద్ధం చేసినా ఏమైనా తేడా జరిగితే ఆటగాళ్ల ప్రాణాలకే ప్రమాదం జరిగే అవకాశముందని అన్నారు. అందుకే సీజన్కు సంబంధించిన వేతనాల్ని ఆటగాళ్లకు చెల్లించాలని బోర్డు భావిస్తున్నట్లు ఆయన చెప్పారు.
ఇదీ చూడండి : 'ముస్తాక్ అలీ టీ20 టోర్నీ నిర్వహణకు సై'
