కరోనా వ్యాప్తి రోజురోజుకూ పెరుగుతున్న నేపథ్యంలో క్రీడారంగం స్తంభించిపోయింది. అన్ని పోటీలు వాయిదా లేదా రద్దయ్యాయి. అయితే జర్మనీ ఫుట్బాల్ లీగ్ బండ్సెలిగా మాత్రం వచ్చే నెల నుంచి ప్రేక్షకుల లేకుండానే ప్రారంభం కానుంది. ఈ నేపథ్యంలో ఖాళీ మైదానాల్లో క్రీడల నిర్వహించడం అనే అంశంపై పలువురు భారత ఆటగాళ్లు, మాజీలు.. తమ అభిప్రాయాలు వెల్లడించారు.
"జర్మనీ, భారత్లకు చాలా తేడా ఉంది. మనదగ్గర ఖాళీ స్టేడియాల్లో టోర్నీలు నిర్వహించడం అనేది కష్టం. పరిస్థితులు చక్కబడే వరకు క్రికెట్ మ్యాచ్లు జరగకపోవచ్చు. మనిషి ఆరోగ్యాన్ని ప్రమాదంలో పెట్టి, పోటీలు నిర్వహించరని నా అభిప్రాయం"
-సౌరభ్ గంగూలీ, బీసీసీఐ అధ్యక్షుడు
"ఐపీఎల్లో ఆడే ప్రముఖ క్రికెటర్లు.. విమానాశ్రయాలకు వెళ్లి వచ్చేటప్పుడు, హోటళ్లులో ఉండేటప్పుడు, స్టేడియంలో ఉన్నప్పుడు బయట అభిమానులు ఎక్కువ సంఖ్యలో చేరతారు. అప్పుడు భౌతిక దూరం పాటించడమనేది కష్టమవుతుంది. కరోనాకు మందు కనుగొనేంత వరకు క్రికెట్ మ్యాచ్ల నిర్వహణ వాయిదా వేయడమే మంచిది"
-హర్భజన్సింగ్, టీమిండియా మాజీ క్రికెటర్
క్రికెట్ మైదానం
"చెపాక్లో ప్రాక్టీసు సెషన్స్ జరిగేటప్పుడే అధిక సంఖ్యలో అభిమానులు వచ్చారు. అప్పుడే వారిని స్టేడియంలోకి అనుమతించలేదు. అలాంటిది ఇప్పుడు వారు లేకుండా మ్యాచ్ జరిగితే వారు ఊరుకుంటారా? ఎక్కువ సంఖ్యలో వస్తారు. అలాంటి సమయంలో వారిని ఆపడం కష్టమవుతుంది"
-విశ్వనాథన్, చెన్నై సూపర్ కింగ్స్ సీఈఓ
ఫుట్బాల్కు ఆదరణ పెరిగే అవకాశం
ఇదే విషయంపై మాట్లాడిన భారత ఫుట్బాల్ దిగ్గజం బైచుంగ్ భాటియా.. భిన్నంగా స్పందించాడు. ఫుట్బాల్ మ్యాచ్లను ఖాళీ స్టేడియాల్లో నిర్వహించాలని సూచించాడు.
"ప్రస్తుతం మనదగ్గర ఎటువంటి క్రీడలు జరగడం లేదు. భారత్లో ఫుట్బాల్కు ఆదరణ పెరగాలంటే ఇదే మంచి సమయం. దేశం సంక్షోభాన్ని ఎదుర్కొంటున్న ఈ పరిస్థితుల్లో, ప్రభుత్వం అనుమతిస్తే ఖాళీ స్టేడియాల్లో మ్యాచ్లు జరపాలని కోరుతున్నా"
- బైచుంగ్ భాటియా, భారత మాజీ ఫుట్బాలర్
అయితే బైచుంగ్ భాటియా వ్యాఖ్యలను ఆల్ ఇండియా ఫుట్బాల్ ఫెడరేషన్ ఉఫాధ్యక్షులు సుబ్రతా దత్తా ఖండించారు.
ఇదీ చూడండి : దేశవాళీ లీగ్తో రీఎంట్రీ ఇవ్వనున్న ధోనీ!
