పాకిస్థాన్ మాజీ క్రికెటర్ రమీజా రాజా వివాదాస్పద వ్యాఖ్యలు చేసి మరోసారి వార్తల్లో నిలిచాడు. ఈసారి ఏకంగా విరాట్ కోహ్లీపైనే గురిపెట్టాడు. ఇతడి కంటే పాక్ యువ క్రికెటర్ బాబర్ అజమ్ గొప్ప ఆటగాడని అన్నాడు. ఈ విషయంలో ఎలాంటి సందేహం లేదని చెప్పాడు.
"బాబర్ అద్భుతమైన బ్యాట్స్మన్. కోహ్లీ, స్మిత్లతో పోలిస్తే ఇతడు మరింత బాగా ఆడగలడు. వారి రికార్డులను అధిగమించగలిగే సత్తా అతడికి ఉంది. అయితే అందుకోసం బాబర్కు జట్టులో అనువైన పరిస్థితులు కల్పించాలి. సారథిగా, ఆటగాడిగా మరింత స్వేచ్ఛనివ్వాలి" -రమీజ్ రాజా, పాక్ మాజీ క్రికెటర్
రమీజ్ రాజా- పాక్ యువక్రికెటర్ బాబర్ అజమ్
ప్రస్తుతం పాక్ తరఫున ఆడుతున్న మహ్మద్ హఫీజ్, షోయబ్ మాలిక్లు గౌరవప్రదంగా జట్టు నుంచి తప్పుకోవాలని అన్నాడు రమీజ్.
