పాకిస్థాన్ సూపర్లీగ్లో ఆడుతున్న ఆస్ట్రేలియా లెగ్ స్పిన్నర్ ఫవాద్ అహ్మద్కు కరోనా పాజిటివ్గా నిర్ధరణ అయ్యింది. ఈ లీగ్లో ఇస్లామాబాద్ యునైటెడ్ జట్టుకు ఫవాద్ ప్రాతినిధ్యం వహిస్తున్నాడు. ఈ నేపథ్యంలో చేసిన కొవిడ్ పరీక్షల్లో టీమ్లోని మిగిలిన ఆటగాళ్లకు వైరస్ లక్షణాలు కనిపించలేదు. దీంతో కరోనా సోకిన ఫవాద్ను ఐసోలేషన్కు తరలించినట్లు ఇస్లామాబాద్ ఫ్రాంఛైజీ తెలిపింది.
ఇస్లామాబాద్ యునైటెడ్, క్వెట్టా గ్లాడియేటర్స్ మధ్య సోమవారం మ్యాచ్ జరగాల్సి ఉండగా.. ఫవాద్ అహ్మద్కు కరోనా సోకిన కారణంగా ఆ మ్యాచ్ను మంగవారానికి వాయిదా వేశారు.
పీఎస్ఎల్ ప్రస్తుత సీజన్లో ఒకే ఒక్క మ్యాచ్ ఆడిన ఫవాద్.. పెషావర్ జల్మీ జట్టుపై 40 పరుగులిచ్చి ఒక వికెట్ తీశాడు. ఆ మ్యాచ్లో ఇస్లామాబాద్ జట్టు ఓడిపోయింది.
ఇదీ చూడండి: వారెవ్వా.. ఏం క్యాచ్ గురూ!
