ఆస్ట్రేలియా మహిళా జట్టు తమ విజయపరంపరను కొనసాగించింది. న్యూజిలాండ్తో శనివారం జరిగిన మూడో వన్డేలోనూ విజయం సాధించి, సిరీస్ను సొంతం చేసుకుంది. దీంతో వరుసగా 24 మ్యాచ్లు గెలిచి, అంతర్జాతీయంగా ఎక్కువ మ్యాచ్ల్లో గెలిచిన జట్టుగా తన స్థానాన్ని మరింత పదిలం చేసుకుంది.
వర్షం కారణంగా తలో 25 ఓవర్లకు కుదించిన ఈ పోరులో తొలుత బ్యాటింగ్ చేసిన ఆసీస్.. 7 వికెట్లు కోల్పోయి 149 పరుగులు చేసింది. అలీసా హేలీ(46), బెత్ మూనీ(28), జార్జియా వేర్హమ్(18*) తమ వంతు ప్రదర్శన చేశారు.
ఛేదనలో కివీస్ బ్యాట్స్ఉమెన్ అమీ సెటర్త్వైట్ 20, లే తాహ్యుహ్యూ 21 పరుగుల మినహా మిగిలిన వారందరూ విఫలమయ్యారు. దీంతో నిర్ణీత ఓవర్లలో 128/9 పరుగులే చేయగలిగింది.
ఇది చదవండి: వన్డేల్లో ఆసీస్ మహిళా జట్టు అదిరే రికార్డు
