టీమ్ఇండియాతో జరగబోయే రెండో టెస్టులో పాత జట్టుతోనే బరిలో దిగుతామని స్పష్టం చేశాడు ఆస్ట్రేలియా కోచ్ జస్టిన్ లాంగర్. ఈ రెండు రోజుల్లో ఏదైనా అనుకోనిది జరిగితే తప్ప తొలి టెస్టులో ఆడిన జట్టునే ఆడిస్తామని స్పష్టం చేశాడు.
"రెండో టెస్టు మ్యాచ్లో పాత జట్టుతోనే బరిలో దిగుతాం. ఈ రెండు రోజుల్లో ఏదైనా జరిగితే తప్ప మార్పులేమీ ఉండవు."
-లాంగర్, ఆసీస్ కోచ్
మెల్బోర్న్ వేదికగా జరగనున్న ఈ బాక్సింగ్ డే టెస్టుకు ప్రేక్షకుల సామర్థ్యాన్ని పెంచారు. ఇంతకుముందు రోజుకు 25 వేల మందికి అనుమతి ఉండగా.. దీనిని 30 వేలకు పెంచుతూ నిర్ణయం తీసుకున్నారు. దీనిపైనా స్పందించిన లాంగర్.. ఈ మైదానంలో ప్రేక్షకుల సమక్షంలో ఆడటం ఎంతో బాగుంటుందని తెలిపాడు.
ఆస్ట్రేలియా జట్టు
జో బర్న్స్, మాథ్యూ వేడ్, లబుషేన్, స్టీవ్ స్మిత్, ట్రెవిస్ హెడ్, కామెరూన్ గ్రీన్, టిమ్ పైన్ (కెప్టెన్), కమిన్స్, స్టార్క్, లియోన్, హెజిల్వుడ్
