భారత్-వెస్టిండీస్ మధ్య తొలి టెస్టు గురువారం ప్రారంభమైంది. ఈ మ్యాచ్లో రవిచంద్రన్ అశ్విన్కు అవకాశం దక్కలేదు. ఈ విషయంపై స్పందించాడు టీమిండియా మాజీ క్రికెటర్ సునీల్ గావస్కర్. అతడిని ఎంపిక చేయకపోవడం ఆశ్చర్యం కలిగించిందని అన్నాడు.
"టెస్టుల్లో అశ్విన్కు మంచి రికార్డు ఉంది. వెస్టిండీస్పైనా ఎంతో మంచి ప్రదర్శన కనబర్చాడు. అలాంటి ఆటగాడిని పక్కన పెట్టడం ఆశ్చర్యం కలిగించింది".
-గావస్కర్, టీమిండియా మాజీ ఆటగాడు
వెస్టిండీస్పై టెస్టుల్లో అశ్విన్కు మంచి రికార్డు ఉంది. కరీబియన్లపై మొత్తం 11 మ్యాచ్లాడిన అశ్విన్ 552 పరుగులతో పాటు 60 వికెట్లు సాధించాడు.
అశ్విన్, రోహిత్లను పక్కన పెట్టడంపై స్పందించాడు వైస్ కెప్టెన్ అజింక్యా రహానే. అన్నీ ఆలోచించే మేనేజ్మెంట్ ఈ నిర్ణయం తీసుకుందని తెలిపాడు.
"ఈ వికెట్పై జడేజా సరైనవాడని మేనేజ్మెంట్ భావించింది. అతడు ఆరో బ్యాట్స్మెన్గా, బౌలర్గా రాణించగలడు. విహారీ కొన్ని ఓవర్లు బౌలింగ్ చేయగలడు. అన్నీ ఆలోచించే కోచ్, కెప్టెన్ ఈ నిర్ణయం తీసుకున్నారు. రోహిత్, అశ్విన్లను పక్కన పెట్టడం కష్టమైన విషయమే. కానీ జట్టు ప్రయోజనాలే ముఖ్యం.
-రహానే, టీమిండియా టెస్టు వైస్ కెప్టెన్
రహానే, కోహ్లీ
తొలి టెస్టు మొదటి రోజు భారత టాప్ ఆర్డర్ బ్యాట్స్మెన్ తడబడ్డారు. రహానే 81 పరుగులతో రాణించగా.. ఆటముగిసే సమయానికి ఆరు వికెట్ల నష్టానికి 203 పరుగుల చేసింది టీమిండియా.
ఇవీ చూడండి.. ఆరేసిన ఆర్చర్.. ఆసీస్ 179 ఆలౌట్
