టీమిండియా మాజీ వికెట్ కీపర్ అజయ్ రాత్రా.. లాక్డౌన్ సమయాన్ని పూర్తి సద్వియోగం చేసుకుంటున్నారు. ఆస్ట్రేలియా క్రికెట్ నిర్వహిస్తున్న కోచింగ్ కోర్సును పూర్తి చేశారు. ఈ మేరకు తన ఆనందాన్ని వ్యక్తపరిచారు.
"ఏప్రిల్ 6వ తేదీన పూర్తి చేసిన కోర్సుకు సంబంధించిన సర్టిఫికెట్ అందుకున్నా. ఇప్పుడు క్రికెట్ ఆస్ట్రేలియా ఉన్నతస్థాయి కోర్సులకు అర్హత లభించింది. కానీ బీసీసీఐ మూడో లెవల్ కోచింగ్కు అర్హత సాధించడమే నా లక్ష్యం. క్రికెట్ గురించి మనం ఎంత తెలుసుకున్న ఇంకా నేర్చుకోవచ్చు. బీసీసీఐ ఎంతో బలమైన సంస్థ అందుకే గొప్ప గొప్ప క్రికెటర్లను అందించింది" -అజయ్ రాత్రా, భారత మాజీ వికెట్ కీపర్
గతంలో భారత మహిళా క్రికెట్ జట్టుకు కోచ్గా పనిచేసిన అజయ్.. గతేడాది రంజీ సీజన్లో అసోం టీమ్కు కోచ్గా బాధ్యతలు నిర్వహించారు. ఇప్పటికే బీసీసీఐ నుంచి లెవల్ 2 కోచ్గానూ గుర్తింపు తెచ్చుకున్నారు.
