'బ్రాడ్​ నువ్వో దిగ్గజం.. 500 వికెట్లు అంటే మాటలా​'

టెస్టుల్లో 500 వికెట్లు మార్క్​ను అందుకున్న బ్రాడ్​కు శుభాకాంక్షలు చెప్పాడు భారత మాజీ క్రికెటర్ యువరాజ్ సింగ్. 'నువ్వు ఓ దిగ్గజం' అంటూ అతడిని ప్రశంసించాడు.

భారత మాజీ ఆల్​రౌండర్​ యువరాజ్​, ఇంగ్లాండ్​ బౌలర్​ స్టువర్ట్​ బ్రాడ్​ల అంటే టక్కున గుర్తొచ్చేది టీ20 ప్రపంచకప్​లోని ఆరు సిక్సులే. ఇప్పుడు ఆ విషయాన్ని మర్చిపోయేలా బ్రాడ్​ అరుదైన ఘనత సాధించాడు. టెస్టుల్లో 500 వికెట్లు తీసిన ఏడో బౌలర్​గా, నాలుగో పేసర్​గా నిలిచాడు. దీని గురించి ట్వీట్ చేసిన యువీ​.. "అరుదైన ఘనత సాధించావు, నువ్వో దిగ్గజం​" అని రాసుకొచ్చాడు.

• I’m sure everytime I write something about @StuartBroad8, people relate to him getting hit for 6 sixes! Today I request all my fans to applaud what he has achieved! 500 test wickets is no joke-it takes hard work, dedication & determination. Broady you’re a legend! Hats off 👊🏽🙌🏻 pic.twitter.com/t9LvwEakdT

  — Yuvraj Singh (@YUVSTRONG12) July 29, 2020 " class="align-text-top noRightClick twitterSection" data="

  I’m sure everytime I write something about @StuartBroad8, people relate to him getting hit for 6 sixes! Today I request all my fans to applaud what he has achieved! 500 test wickets is no joke-it takes hard work, dedication & determination. Broady you’re a legend! Hats off 👊🏽🙌🏻 pic.twitter.com/t9LvwEakdT

  — Yuvraj Singh (@YUVSTRONG12) July 29, 2020

  ">

  I’m sure everytime I write something about @StuartBroad8, people relate to him getting hit for 6 sixes! Today I request all my fans to applaud what he has achieved! 500 test wickets is no joke-it takes hard work, dedication & determination. Broady you’re a legend! Hats off 👊🏽🙌🏻 pic.twitter.com/t9LvwEakdT

  — Yuvraj Singh (@YUVSTRONG12) July 29, 2020

"బ్రాడ్​ లేదా నా గురించి మాట్లాడుకున్న ప్రతిసారీ ఒకే ఓవర్లో ఆరు సిక్సర్లే గుర్తువస్తాయి. కానీ, ఈ రోజు అతను సాధించిన దానికి నా అభిమానులంతా మెచ్చుకోవాలి. టెస్టుల్లో 500 వికెట్లు సాధించడం అంటే సాధారణ విషయం కాదు. ఎంతో కృషి, అంకితభావం, సంకల్పం అవసరం. బ్రాడ్​ నువ్వో దిగ్గజానివి! హ్యాట్సాఫ్"

-యువరాజ్​ సింగ్​, టీమ్​ఇండియా మాజీ క్రికెటర్

నిర్ణయాత్మక మూడో టెస్టులో విండీస్​ ఆటగాడు బ్రాత్​వైట్​ను ఔట్​ చేసిన బ్రాడ్.. టెస్టుల్లో 500 వికెట్ల మార్క్​ను అందుకున్నాడు. ఈ మ్యాచ్​లో గెలిచిన ఇంగ్లాండ్.. 2-1తో సిరీస్​ను కైవసం చేసుకుంది. ఇంగ్లిష్​ జట్టు సాధించిన విజయాన్ని మెచ్చుకుని తీరాలని యువరాజ్​, తన అభిమానులను కోరాడు.

ఆరు బంతుల్లో ఆరు సిక్సర్లు

బ్రాడ్​.. అంతర్జాతీయ క్రికెట్​లోకి అడుగుపెట్టిన రెండో ఏడాది, 2007 సెప్టెంబరులో టీ20 ప్రపంచకప్​లో పాల్గొన్నాడు. డర్బన్​ వేదికగా జరిగిన మ్యాచ్​లో ఇతడి ఓవర్​లో ఆరు సిక్స్​లు కొట్టి అదరగొట్టాడు యువీ. ఆ మ్యాచ్​లో కేవలం 12 బంతుల్లో అర్ధశతకాన్ని నమోదు చేశాడు. టీ20ల్లో అత్యంత వేగంగా హాఫ్​సెంచరీ చేసిన రికార్డు ఇప్పటికీ యువరాజ్​ పేరు మీదనే ఉండటం విశేషం.

టెస్టుల్లో అత్యధిక వికెట్లు తీసిన బౌలర్లు

టెస్టుల్లో దిగ్గజ స్పిన్నర్​ ముత్తయ్య మురళీధరన్​ 800 వికెట్లతో అగ్రస్థానంలో, ఆ తర్వాత షేన్​ వార్న్​ (708), అనిల్​ కుంబ్లే (619) ఉన్నారు. నాలుగో స్థానంలో జేమ్స్​ అండర్సన్​ (589), ఐదో స్థానంలో గ్లెన్​ మెక్​గ్రాత్​ (563), ఆరో స్థానంలో వాల్ష్​ (519), ఏడో స్థానంలో స్టువర్ట్​ బ్రాడ్​ (501) కొనసాగుతున్నారు.