'అలా చేయొద్దు'.. కోహ్లీకి లక్ష్మణ్ హెచ్చరిక

సమీక్ష కోరేటప్పుడు మరింత అప్రమత్తంగా వ్యవహరించాలని సారథి విరాట్​ కోహ్లీకి సూచించాడు టీమ్​ఇండియా మాజీ బ్యాట్స్​మన్ వీవీఎస్ లక్ష్మణ్. లేకపోతే పూర్తి మ్యాచ్​నే కోల్పోవాల్సి వస్తుందని వారించాడు. ఇంగ్లాండ్​తో రెండో టెస్టులో కోరిన రెండు సమీక్షలూ విఫలమైన నేపథ్యంలో కోహ్లీ తీరుపై లక్ష్మణ్ అసంతృప్తి వ్యక్తం చేశాడు.

రివ్యూలు తీసుకునేటప్పుడు మరింత జాగ్రత్తగా వ్యవహరించాలని కెప్టెన్ విరాట్​ కోహ్లీకి సూచించాడు టీమ్​ఇండియా మాజీ క్రికెటర్ వీవీఎస్ లక్ష్మణ్. లేదంటే పూర్తి మ్యాచ్​నే కోల్పోయే ప్రమాదముందని హెచ్చరించాడు. 2019 యాషెస్​లో ఆస్ట్రేలియా.. సమీక్ష కోరడంలో చేసిన తప్పిదాల కారణంగా చవిచూసిన ఓటమిని తాను ఎప్పటికీ మరచిపోనని గుర్తుచేశాడు.

ఇంగ్లాండ్​తో లార్డ్స్​లో జరుగుతున్న రెండో టెస్టు రెండో రోజున.. రూట్​ను పెవిలియన్​ పంపాలనే ఆతృతలో రెండు రివ్యూలను వృథా చేశాడు కోహ్లీ. ఈ రెండు సందర్భాల్లోనూ మహ్మద్​ సిరాజే బౌలర్. పైగా రెండు సార్లూ బంతి స్పష్టంగా స్టంప్స్​ ఆవల నుంచి వెళ్లింది. ఈ నేపథ్యంలోనే రివ్యూలు తీసుకునే క్రమంలో కోహ్లీ తీరుపై అసంతృప్తి వ్యక్తంచేశాడు లక్ష్మణ్. టెస్టు క్రికెట్​లో డీఆర్​ఎస్​ చాలా కీలకమని అన్నాడు.

"హెడింగ్లేలో ఇంగ్లాండ్​ చేతిలో ఆస్ట్రేలియా టెస్టు ఓడిన విధానాన్ని నేను ఎప్పటికీ మర్చిపోలేను. జాక్​ లీచ్​కు నాథన్​ లైయన్ వేసిన బంతి లెగ్​ స్టంప్​కు ఆవల వెళ్లినా కూడా రివ్యూకు వెళ్లి దానిని వృథా చేశాడు టిమ్​ పైన్. ఆ వెంటనే.. బెన్​స్టోక్స్​ వికెట్ల ముందు దొరికాడు. కానీ అంపైర్​ నాటౌట్​గా ప్రకటించాడు. ఆసీస్​కు సమీక్షలేవీ మిగలలేదు. దీంతో మ్యాచ్​ కోల్పోవాల్సి వచ్చింది."

-లక్ష్మణ్, టీమ్​ఇండియా మాజీ బ్యాట్స్​మన్

భావోద్వేగాలకు లోనవ్వొద్దు..

సమీక్ష కోరే సమయంలో కోహ్లీ చుట్టూ ఒక గందరగోళ పరిస్థితి ఉంటుందని అభిప్రాయపడ్డాడు లక్ష్మణ్.

• What’s a worse love story? Virat Kohli and the toss or Virat Kohli and DRS?
  
  Tune into Sony Six (ENG), Sony Ten 3 (HIN), Sony Ten 4 (TAM, TEL) & SonyLIV (https://t.co/AwcwLCPFGm ) now! 📺#ENGvINDOnlyOnSonyTen #BackOurBoys #ViratKohli pic.twitter.com/H7XP5anx5C

  — Sony Sports (@SonySportsIndia) August 13, 2021 " class="align-text-top noRightClick twitterSection" data="

  What’s a worse love story? Virat Kohli and the toss or Virat Kohli and DRS?
  
  Tune into Sony Six (ENG), Sony Ten 3 (HIN), Sony Ten 4 (TAM, TEL) & SonyLIV (https://t.co/AwcwLCPFGm ) now! 📺#ENGvINDOnlyOnSonyTen #BackOurBoys #ViratKohli pic.twitter.com/H7XP5anx5C

  — Sony Sports (@SonySportsIndia) August 13, 2021

  ">

  What’s a worse love story? Virat Kohli and the toss or Virat Kohli and DRS?
  
  Tune into Sony Six (ENG), Sony Ten 3 (HIN), Sony Ten 4 (TAM, TEL) & SonyLIV (https://t.co/AwcwLCPFGm ) now! 📺#ENGvINDOnlyOnSonyTen #BackOurBoys #ViratKohli pic.twitter.com/H7XP5anx5C

  — Sony Sports (@SonySportsIndia) August 13, 2021

"ప్యాడ్​లకు తగిలే ప్రతి బంతి​ ఔట్​ అని బౌలర్​ అనుకుంటాడు. కానీ, కెప్టెన్ ప్రశాంతంగా ఆలోచించాలి. మ్యాచ్​ స్థితిగతులపై స్పష్టమైన అవగాహనతో ఉండే కొద్ది మందిపై విశ్వాసముంచి ఆ తర్వాత ఓ నిర్ణయం తీసుకోవాలి. రివ్యూలు తీసుకునేటప్పుడు భావోద్వేగాలకు గురికాకూడదు. అది పూర్తి మ్యాచ్​నే దూరం చేస్తుంది."

-లక్ష్మణ్, టీమ్​ఇండియా మాజీ బ్యాట్స్​మన్

విరాట్-సిరాజ్.. భయంకర కాంబో

సమీక్షలు కోరే పద్ధతిని టీమ్​ఇండియా మెరుగుపరచుకోవాలని ఇంగ్లాండ్​ మాజీ ఫాస్ట్ బౌలర్​ స్టీవ్​ హర్మిన్సన్ కూడా అన్నాడు. రివ్యూలు తీసుకునేటప్పుడు సిరాజ్-విరాట్​లది క్రేజీ కాంబినేషన్ అని ఎద్దేవా చేశాడు.

కాగా, లార్డ్స్​ టెస్టులో రాహుల్, రోహిత్ శర్మ (83) దీటైన ప్రదర్శనతో తొలి ఇన్నింగ్స్​లో టీమ్​ఇండియా 364 పరుగులు చేసింది. అనంతరం బ్యాటింగ్​కు దిగిన ఇంగ్లాండ్​ 3 వికెట్లు కోల్పోయి 119 పరుగుల వద్ద నిలిచింది. ప్రస్తుతం జో రూట్(48*), జానీ బెయిర్​స్టో(6*) క్రీజులో ఉన్నారు.

ఇవీ చూడండి: