ఇంగ్లాండ్తో తొలి టెస్టులో (ICC Ranking) అద్భుత ప్రదర్శన చేసిన భారత పేసర్ జస్ప్రీత్ బుమ్రా.. ఐసీసీ టెస్టు బౌలర్ల ర్యాంకింగ్స్లో మళ్లీ టాప్-10లోకి ప్రవేశించాడు. 10 స్థానాలు మెరుగుపర్చుకొని.. ప్రస్తుతం 9వ స్థానంలో కొనసాగుతున్నాడు. నాటింగ్హామ్ టెస్టులో రెండు ఇన్నింగ్స్ల్లో కలిపి మొత్తం 9 వికెట్లు తీశాడు. 2019 సెప్టెంబర్లో కెరీర్లో అత్యుత్తమంగా మూడో స్థానానికి చేరిన బుమ్రా.. ఆ తర్వాత క్రమక్రమంగా దిగువకు పడిపోయాడు.
కొద్దిరోజులుగా సుదీర్ఘ ఫార్మాట్లో (ICC Ranking) అంచనాలను అందుకోలేకపోతున్న సారథి విరాట్ కోహ్లీ (Virat Kohli).. బ్యాట్స్మెన్ ర్యాంకింగ్స్లో ఐదుకు పడిపోయాడు. ఇంగ్లాండ్పై తొలి ఇన్నింగ్స్లో డకౌట్ కావడం వల్ల.. ఓ స్థానం కోల్పోయాడు విరాట్.
తొలి టెస్టులో వరుసగా 64, 109 పరుగులు చేసిన ఇంగ్లాండ్ టెస్టు కెప్టెన్ జో రూట్.. నాలుగో స్థానానికి ఎగబాకాడు.
భారత ఓపెనర్ రోహిత్ శర్మ, వికెట్ కీపర్ రిషభ్ పంత్ 6,7 స్థానాల్లో కొనసాగుతున్నారు.
తొలి టెస్టులో మంచి ప్రదర్శన చేసిన రవీంద్ర జడేజా 36, కేఎల్ రాహుల్ 56 స్థానాల్లో ఉన్నారు.
బౌలర్లలో..
బౌలర్ల ర్యాంకింగ్స్లో రవిచంద్రన్ అశ్విన్ రెండో స్థానంలోనే ఉన్నాడు. ఆసీస్ పేసర్ ప్యాట్ కమిన్స్ది తొలి స్థానం. శార్దుల్ ఠాకుర్ 19 స్థానాలు మెరుగు పర్చుకుని, 55వ స్థానంలో నిలిచాడు.
టీ-20ల్లో..
బంగ్లాదేశ్ ఆటగాడు షకీబుల్ హసన్.. టీ-20 ఆల్రౌండర్ల జాబితాలో తిరిగి అగ్రస్థానం దక్కించుకున్నాడు. బ్యాట్స్మెన్ జాబితాలో 53, బౌలర్ల జాబితాలో 12లో కొనసాగుతున్నాడు. బంగ్లా బౌలర్.. ముస్తఫిజుర్ రెహ్మాన్.. తిరిగి టాప్-10లోకి ప్రవేశించాడు.
ఇదీ చూడండి: కోచ్ పదవికి రవిశాస్త్రి గుడ్బై!.. ద్రవిడ్పైనే అందరి దృష్టి?
