Brathwaite News: వెస్టిండీస్ ఆల్రౌండర్ కార్లోస్ బ్రాత్వైట్ తండ్రి అయ్యాడు. అతడి భార్య, ఈనెల 6న ఆడబిడ్డకు జన్మనిచ్చినట్లు ఇతడు ఇన్స్టా వేదికగా వెల్లడించాడు. తమ కుమార్తెకు కోల్కతాలోని క్రికెట్ మైదానం 'ఈడెన్ గార్డెన్స్'లో ఈడెన్ను తీసుకుని 'ఈడెన్ రోజ్' అని పేరు పెట్టినట్లు చెప్పాడు. ఆమెతో తీసుకున్న ఫొటోను సోషల్ మీడియాలో షేర్ చేశాడు. ఆ పేరు పెట్టడానికి గల కారణాన్ని తెలిపాడు.
2016 ప్రపంచకప్ ఫైనల్లో ఈడెన్ గార్డెన్స్లోనే నాలుగు సిక్సులు కొట్టి తమ జట్టుకు ప్రపంచకప్ అందించాడు బ్రాత్వైట్. ఈడెన్ గార్డెన్స్.. తనకు పేరు తెచ్చిందని అందుకే తమ చిన్నారి పేరులో ఈడెన్ అని చేర్చినట్లు చెప్పాడు.
"ఈడెన్ రోజ్ బ్రాత్వైట్ పేరును గుర్తుంచుకో. నిన్ను హృదయపూర్వకంగా ప్రేమిస్తానని నాన్న వాగ్దానం చేశాడు. ధన్యవాదాలు జెస్సీ. నువ్వు దృఢంగా ఉన్నావ్.. అలాగే ఉంటావు కూడా. నువ్వు అద్భుతమైన తల్లి అవుతావని నాకు తెలుసు. మీ ఇద్దరినీ ప్రేమిస్తున్నాను" అని వైట్ తన ఇన్స్టాలో రాసుకొచ్చాడు.
2016 టీ20 ప్రపంచకప్ ఫైనల్లో కామెంటరీ బాక్స్‌లో ఉన్న మాజీ వెస్టిండీస్ క్రికెటర్ ఇయాన్ బిషప్.. వెస్టిండీస్ ఆల్రౌండర్ ఆటను ప్రశంసిస్తూ.. 'కార్లోస్ బ్రాత్వైట్ పేరును గుర్తుంచుకోండి' అని వ్యాఖ్యానించాడు. అదే పోస్టును సూచిస్తూ.. ఈ విధంగా రాసుకొచ్చాడు బ్రాత్వైట్.
చివరిసారి 2019 ఆగస్టులో అంతర్జాతీయ మ్యాచ్ ఆడిన బ్రాత్వైట్.. మళ్లీ టీమ్లో చోటు దక్కించుకోలేకపోయాడు. గతేడాది టీ20 ప్రపంచకప్నకు అతడిని ఎంపిక చేయలేదు. కెరీర్లో ఇప్పటివరకు మూడు టెస్టులు, 44 వన్డేలు, 41 టీ20 ఆడాడు.
ఆస్ట్రేలియా క్రికెటర్ వార్నర్ కూడా తన కూతురికి ఇండీ అనే పెట్టి.. భారత్పై తనకున్న అభిమానాన్ని చాటుకున్నాడు.
ఇదీ చూడండి: విండీస్ టూర్కు ఇంగ్లాండ్ స్టార్స్ దూరం.. ఫ్యాన్స్ అసహనం
