భారత్​ X దక్షిణాఫ్రికా మ్యాచ్​ టికెట్ల 'బ్లాక్​ దందా'.. వివరణ ఇవ్వాలంటూ బీసీసీఐకి బంగాల్​ పోలీసుల నోటీసులు!

Black Marketing Of World Cup Tickets : భారత క్రికెట్​ కంట్రోల్​ బోర్డు- బీసీసీఐకి బంగాల్​ పోలీసులు నోటీసులు పంపారు. ఎందుకో తెలుసా?

Black Marketing Of World Cup Tickets : భారత క్రికెట్​ కంట్రోల్​ బోర్డు- బీసీసీఐకి బంగాల్​ పోలీసులు నోటీసులు పంపారు. కోల్​కతాలోని ఈడెన్​ మైదానంలో ఆదివారం జరగనున్న భారత్​-దక్షిణాఫ్రికా​ ప్రపంచకప్​ మ్యాచ్​కు సంబంధించి ఎన్ని టికెట్లు అమ్ముడయ్యాయో చెప్పాలని నోటీసులు జారీ చేశారు. దీనికి సంబంధించిన పత్రాలను శనివారం సాయంత్రం బీసీసీఐ ప్రెసిడెంట్​ అందుకున్నారు. బోర్డుకి చెందిన సంబంధిత అధికారి నవంబర్​ 5న కోలకతాలో భారత్​-సౌతాఫ్రికా​ మధ్య జరగబోయే మ్యాచ్​ కోసం బీసీసీఐ ఎన్ని టికెట్లను విక్రయించింది అనే పూర్తి వివరాలను మైదాన్​ పోలీస్​ స్టేషన్​లో సమర్పించాలని బంగాల్​ పోలీసులు నోటీసుల్లో పేర్కొన్నారు.

బ్లాక్​లో టికెట్స్​ సేల్​..
World Cup Black Tickets : అయితే భారత్​-దక్షిణాఫ్రికా మ్యాచ్​కు సంబంధించిన టికెట్లను కొందరు దళారులు బ్లాక్​ మార్కెట్​లో అమ్ముతున్నారని బంగాల్​ పోలీసులకు ఫిర్యాదులు అందాయి. ఈ ఆరోపణల నేపథ్యంలో బీసీసీఐ ప్రెసిడెంట్ రోజర్ బిన్నీ నోటీసులు అందుకున్నారు. మరోవైపు ఈ కేసుతో సంబంధమున్న 19 మందిని బంగాల్​ పోలీసులు అరెస్టు చేశారు. వారి వద్ద నుంచి 108 టికెట్లను స్వాధీనం చేసుకున్నారు. టిక్కెట్ల బ్లాక్ మార్కెటింగ్‌కు సంబంధించి ఇప్పటివరకు ఏడు కేసులు నమోదు చేశారు.

• Last evening, a notice was sent to President BCCI to provide relevant documents/information regarding the sale of tickets by them or any competent person of his organisation to the IO of Maidan PS: Kolkata Police

  — ANI (@ANI) November 5, 2023 " class="align-text-top noRightClick twitterSection" data="

  Last evening, a notice was sent to President BCCI to provide relevant documents/information regarding the sale of tickets by them or any competent person of his organisation to the IO of Maidan PS: Kolkata Police

  — ANI (@ANI) November 5, 2023

  ">

  Last evening, a notice was sent to President BCCI to provide relevant documents/information regarding the sale of tickets by them or any competent person of his organisation to the IO of Maidan PS: Kolkata Police

  — ANI (@ANI) November 5, 2023

"అక్టోబర్​ 31 మంగళవారం నేను విధుల్లో ఉండగా నాకు కొన్ని ఫిర్యాదులు అందాయి. అందులో నవంబర్​ 5న జరిగే భారత్​-దక్షిణాఫ్రికా మ్యాచ్​కు సంబంధించి టికెట్ల విక్రయాల్లో అవకతవకలు జరుగుతున్నాయని ఉంది. కొందరు దళారులు వాటిని బ్లాక్​లో అమ్ముతున్నారని తెలిసింది. ఈ కారణంతోనే బీసీసీఐకి నోటీసులు జారీ చేశాము. సంబంధిత అధికారి.. టికెట్స్​ అమ్మకాలకు సంబంధించిన పూర్తి వివరాలతో మైదాన్​ పోలీస్​ స్టేషన్​కు హాజరుకావాలని కోరాము."

- మైదాన్ పీఎస్‌ అధికారి

విరాట్​కు బర్త్​డే స్పెషల్ గిఫ్ట్​..
CWC 2023 Virat Kohli Birthday Gift : ఆదివారం ఈడెన్​ స్టేడియంలో జరిగే ప్రపంచకప్​ పోరులో భారత్​-దక్షిణాఫ్రికాలు తలపడనున్నాయి. అయితే ఆదివారం కింగ్​ విరాట్​ పుట్టినరోజు కూడా కావడం విశేషం. ఈ సందర్భంగా కోహ్లీకి ఓ స్పెషల్​ మోమెంటోను అందించనున్నట్లు తెలిపారు బంగాల్​ క్రికెట్​ అసోసియేషన్​(సీఏబీ) అధ్యక్షుడు స్నేహాషిశ్​ గంగూలీ. అలాగే విరాట్​ కోసం ప్రత్యేకంగా తయారు చేయించిన కేక్​ను కూడా కట్​ చేయించనున్నారు. మ్యాచ్​ అనంతరం బాణసంచా, లైట్​, సౌండ్​ షోలు కూడా ఉంటాయని సీఏబీ ప్రెసిడెంట్​ చెప్పారు.