IPL 2024 Mini Auction : భారత్లోనే కాకుండా విదేశాల్లో కూడా ఐపీఎల్కు ఉండే క్రేజే వేరు. ఐపీఎల్లా ప్రపంచంలో మరే లీగ్ ఫేమస్ కాలేదు. విదేశీ, స్వదేశీ ప్లేయర్లతో ఐపీఎల్ క్రికెట్ ప్రియులకు మంచి కిక్కిస్తుంది. ఈ లీగ్ జరుగుతున్నంత కాలం క్రికెట్ ప్రియులు టీవీలను వదలరు. కొందరూ టికెట్లు బుక్ చేసుకుని నేరుగా స్టేడియంలో మ్యాచ్లు చూస్తారు. తమ అభిమాన జట్టు కప్ గెలవాలని కోరుకుంటారు. అయితే 2024 ఐపీఎల్ సీజన్కు సంబంధించిన ఓ వార్త ప్రస్తుతం హాట్టాపిక్గా మారింది. ఐపీఎల్ మినీ వేలం-2024, వేదికలు ఇలా కొన్ని విషయాల గురించి తీవ్ర చర్చ జరుగుతోంది. అవేంటో ఓ సారి తెలుసుకుందాం.
India West Indies Tour : టీమ్ఇండియా ప్రస్తుతం వెస్టిండీస్ సిరీస్తో బిజీగా ఉంది. ఆ తర్వాత ఐర్లాండ్ పర్యటనకు వెళ్లనుంది. ఆ సిరీస్ అనంతరం ఆసియా కప్, అక్టోబర్ 5 నుంచి ఐసీసీ వన్డే ప్రపంచ కప్నకు సన్నద్ధమవుతోంది. ఈ ఏదాది అంతా టీమ్ఇండియా షెడ్యూల్ బిజీగా ఉంది. ఈ నేపథ్యంలో ఐపీఎల్ మినీ వేలం-2024 ముందుగానే ఈ ఏడాది నిర్వహించాలని బీసీసీఐ భావిస్తున్నట్లు తెలుస్తోంది. ఎందుకంటే టీమ్ఇండియా స్టార్ ప్లేయర్స్, అలాగే విదేశీ జట్లు కూడా బిజీగా ఉండడం వల్ల ఈ నిర్ణయం తీసుకుందట. గతేడాది డిసెంబరు 23 ఐపీఎల్ వేలం నిర్వహించిన బీసీసీఐ.. ఈ ఏడాది అంతకంటే ముందుగానే వేలం నిర్వహించేందుకు ప్లాన్ చేస్తున్నట్లు సమాచారం.
ప్రస్తుతం వన్డే వరల్డ్ కప్పై దృష్టి పెట్టామని.. ఆ తర్వాతే ఐపీఎల్ మినీ వేలం తేదీని నిర్ణయిస్తామని బీసీసీఐ అధికారి ఒకరు తెలిపారు. దాదాపుగా డిసెంబరు మూడు లేదా నాలుగో వారంలో ఐపీఎల్-2024 మినీ వేలం జరిగే అవకాశం ఉందని తెలిపారు. ఈ సారి వేలంలో క్రిస్మస్ ఈవ్లో ఉండదని.. అందరికీ అనుకూలమైన తేదీని నిర్ణయిస్తామని అన్నారు. అలాగే ఐపీఎల్ వేలం ఈ సారి అహ్మదాబాద్, ముంబయి, జైపుర్, కోల్కతా నిర్వహించే అవకాశాలు ఉన్నాయని తెలిపారు.
IPL 2024 Mini Auction Venue : ఐపీఎల్ 2023 వేలం కేరళలోని కొచ్చిలో జరిగింది. ఈ వేలంలో ఇంగ్లాండ్ స్టార్ ప్లేయర్ సామ్ కరన్ను పంజాబ్ జట్టు రూ.18.5 కోట్లతో దక్కించుకుంది. ఆస్ట్రేలియా బ్యాటర్ కామెరాన్ గ్రీన్ను.. ముంబయి ఇండియన్స్ జట్టు రూ.17.5 కోట్లకు సొంతం చేసుకుంది. అలాగే ఆల్రౌండర్ బెన్ స్టోక్స్ను చెన్నై సూపర్ కింగ్స్ రూ.16.25 కోట్లకు సొంత చేసుకుంది. 2023 ఐపీఎల్ సీజన్లో చెన్నై సూపర్ సింగ్స్ విజయం సాధించింది. గుజరాత్ టైటాన్స్ రన్నరప్గా నిలిచింది.
