Babar Azam World Cup 2023 : ఈ ఏడాది వన్డే ప్రపంచకప్ను పాకిస్థాన్ జట్టు ఘోర పరాజయంతో ముగించింది. కోల్కతా వేదికగా ఇంగ్లాండ్తో జరిగిన మ్యాచ్లో 93 పరుగుల తేడాతో ఘోర పరాజయాన్ని ఎదుర్కొంది. దీంతో సెమీస్ రేసు నుంచి అధికారికంగా తప్పుకుంది. అయితే ఇప్పటి వరకు టోర్నీలో పాక్.. ఆడిన 9 మ్యాచుల్లో నాలుగు మాత్రమే గెలిచింది. అయిదింటిలో ఓటమిని చవి చూసింది. ఇలా ప్రపంచకప్‌ల చరిత్రలో ఒక టోర్నీలో పాక్ 5 మ్యాచ్‌ల్లో ఓడిపోవడం ఇదే తొలిసారి. దీంతో ఇంగ్లాండ్తో ఓటమిపై మ్యాచ్ తర్వాత పాకిస్థాన్ కెప్టెన్ బాబర్ అజామ్ స్పందించాడు.
"ఈ మ్యాచ్లో మా ప్రదర్శన చాలా నిరాశపరిచింది. దక్షిణాఫ్రికా మ్యాచ్లో మా జట్టు గెలిచినట్లయితే.. పరిస్థితి మరోలా ఉండేది. బౌలింగ్‌, బ్యాటింగ్‌, ఫీల్డింగ్‌లో ఎన్నో తప్పిదాలు చేశాం. 20-30 పరుగులు అదనంగానే ఇచ్చాం. మా స్పిన్నర్లు అస్సలు వికెట్లు తీయలేదు. అది మాపై చాలా ప్రభావాన్ని చూపింది. మిడిల్ ఓవర్‌లో స్పిన్నర్లు వికెట్లు తీయకపోతే ఏ జట్టుకైనా గెలవడం చాలా కష్టంగా ఉంటుంది. ఈ టోర్నీలో మేము చేసిన తప్పిదాలను కచ్చితంగా చర్చిస్తాం. తప్పులతో పాటు కొన్ని సానుకూలాంశాలు కూడా ఉన్నాయి. జట్టుకు సారథిగా ఎల్లప్పుడూ 100 శాతం ఎఫర్ట్ పెడతాను" అని బాబర్ పేర్కొన్నాడు.
మ్యాచ్ తర్వాత రిటైర్మెంట్..
Babar Azam Retirement : ప్రపంచ కప్‌లో అంచనాలు అందుకోలేకపోవడం, పేలవమైన ప్రదర్శన వల్ల బాబర్ అజామ్ ప్రస్తుతం విమర్శలు ఎదుర్కొంటున్నాడు. కెప్టెన్సీ నుంచి అతను దిగిపోవాలనే డిమాండ్లు కూడా వినిపిస్తున్నాయి. ఈ నేపథ్యంలో ఇంగ్లాండ్తో మ్యాచ్ తర్వాత బాబర్ తన కెప్టెన్సీకి గుడ్ బై చెప్పనున్నాడని వార్తలు వినిపిస్తున్నాయి. ఇంగ్లాండ్తో జరిగే మ్యాచ్ తర్వాత బాబర్.. వైట్ బాల్ జట్టు కెప్టెన్సీకి దూరం కానున్నట్లు సమాచారం. అయితే పాక్కు తిరిగి వెళ్లిన తర్వాత పీసీబీ మాజీ ఛైర్మన్ రమీజ్ రజాతో కలిసి.. ఆ తర్వాత బాబర్ తన నిర్ణయాన్ని వెల్లడిస్తాడని తెలుస్తోంది. వారి నుంచి వచ్చే సూచనల మేరకు కెప్టెన్గా కొనసాగాలా లేదా అనే నిర్ణయాన్ని తీసుకోనున్నట్లు సమాచారం.
పాకిస్థాన్పై ఇంగ్లాండ్ ఘన విజయం - చెలరేగిన స్టోక్స్ , విల్లే
కెప్టెన్సీకి బాబర్ అజామ్ గుడ్ బై- ఇంగ్లాండ్తో మ్యాచ్ తర్వాతే!
