Steve Smith Record : యాషెస్​లో మరో రికార్డు.. ఆ ఫీట్​ను దాటేసిన స్టీవ్​ స్మిత్​!

Steve Smith Record : ఆస్ట్రేలియా టెస్టు క్రికెట్​ టీమ్​ వైస్​ కెప్టెన్​ స్టీవ్​ స్మిత్​ ప్రస్తుతం లండన్​ వేదికగా లార్డ్స్​ స్టేడియంలో జరుగుతున్న యాషెస్​ సిరీస్​లో పలు అరుదైన రికార్డులను నెలకొల్పాడు. టెస్ట్​ క్రికెట్​లో అత్యంత వేగంగా 9 వేల పరుగులు సాధించిన రెండో ఆటగాడిగా నిలిచాడు.

Steve Smith Ashes Record : లండన్ వేదికగా లార్డ్స్​ మైదానంలో జరుగుతున్న ప్రతిష్ఠాత్మక యాషెస్​ సిరీస్​లో భాగంగా ఆసీస్​ మాజీ సారథి స్టీవ్ స్మిత్​ మరో అరుదైన ఘనతను తన ఖాతాలో వేసుకున్నాడు. టెస్టు క్రికెట్​ చరిత్రలో అత్యంత వేగంగా 9 వేల పరుగులు సాధించిన రెండో ఆటగాడిగా రికార్డు సృష్టించాడు. జూన్​ 28న మొదలైన యాషెస్​ సిరీస్​ రెండో టెస్ట్​లో 31 పరుగుల వ్యక్తిగత స్కోర్‌ వద్ద ఈ ఫీట్​ను స్మిత్ అందుకున్నాడు. ఈ నేపథ్యంలో అతడు భారత క్రికెట్​ దిగ్గజాలు సచిన్ తెందూల్కర్​, భారత జట్టు హెడ్‌కోచ్ రాహుల్​ ద్రావిడ్‌ల పేరిట ఉన్న రికార్డులను బ్రేక్ చేసినట్లయింది.

టెస్టుల్లో అత్యంత వేగంగా 9 వేల రన్స్​ చేసింది వీరే..

• కుమార సంగక్కర (శ్రీలంక)- 172 ఇన్నింగ్స్.
• స్టీవ్ స్మిత్ (ఆస్ట్రేలియా)- 174 ఇన్నింగ్స్.
• రాహుల్ ద్రావిడ్ (ఇండియా)- 176 ఇన్నింగ్స్​.
• రికీ పాంటింగ్ (ఆస్ట్రేలియా)- 177 ఇన్నింగ్స్​.
• బ్రయాన్‌ లారా (వెస్టిండీస్​)- 177 ఇన్నింగ్స్​.
• సచిన్ తెందూల్కర్ (ఇండియా)​- 179 ఇన్నింగ్స్​.

  • Only Kumar Sangakkara has reached 9000 Test runs in fewer innings than Steve Smith 🔥#ENGvAUS | #Ashes pic.twitter.com/g8FPQrO386

    — ESPNcricinfo (@ESPNcricinfo) June 28, 2023 " class="align-text-top noRightClick twitterSection" data="

    Only Kumar Sangakkara has reached 9000 Test runs in fewer innings than Steve Smith 🔥#ENGvAUS | #Ashes pic.twitter.com/g8FPQrO386

    — ESPNcricinfo (@ESPNcricinfo) June 28, 2023

    ">

    Only Kumar Sangakkara has reached 9000 Test runs in fewer innings than Steve Smith 🔥#ENGvAUS | #Ashes pic.twitter.com/g8FPQrO386

    — ESPNcricinfo (@ESPNcricinfo) June 28, 2023

    
    

41 మందిలో ఒకడిగా..
Steve Smith 9000 Test Runs : యాషెస్​ సిరీస్​లో భాగంగా ప్రస్తుతం జరుగుతున్న ఈ మ్యాచ్​లో మరికొన్ని రికార్డులను కూడా నమోదు చేశాడు స్టీవ్​ స్మిత్. తొలి రోజు ఆట ముగిసే సమయానికి 85 పరుగులతో నాటౌట్​గా నిలిచిన స్మిత్‌.. అంతర్జాతీయ క్రికెట్‌లో 15000 పరుగుల మైలురాయిని కూడా చేరుకున్నాడు. టెస్ట్‌ క్రికెట్‌లో ఇప్పటివరకు 41 మంది ప్లేయర్స్​ మాత్రమే ఈ మైలురాయిని చేరుకోగా.. వారిలో టీమ్​ఇండియా స్టార్‌ క్రికెటర్‌ విరాట్‌ కోహ్లీ 53.44 సగటుతో స్మిత్​ కంటే కాస్త మెరుగైన యావరేజ్​ రేట్​ను కలిగి ఉన్నాడు. కాగా, స్మిత్​ 49.67 సగటుతో ఉన్నాడు.

Ashes 2nd Test : ఇక మ్యాచ్​ విషయానికొస్తే తొలుత టాస్‌ ఓడి బ్యాటింగ్‌కు దిగిన ఆస్ట్రేలియా తొలి రోజు ఆట ముగిసే సమయానికి 83 ఓవర్లలో 5 వికెట్ల నష్టానికి 339 పరుగులు చేసింది. ఓపెనర్‌ డేవిడ్‌ వార్నర్‌(66) ,స్టీవ్​ స్మిత్‌(85 నాటౌట్‌), ట్రావిస్‌ హెడ్‌(77) అర్ధసెంచరీలతో రాణించారు. ఉస్మాన్‌ ఖవాజా(17)తో కలిసి డేవిడ్‌ వార్నర్‌ తొలి వికెట్‌కు 73 పరుగులు జతచేశాడు. ఆ తర్వాత వీరిద్దరూ వెంట వెంటనే ఔటైనా.. క్రీజ్​లోకి వచ్చిన లబూషేన్‌(47) స్టీవ్‌ స్మిత్‌ కలిసి ఆసీస్‌ను ఆదుకున్నాడు. అర్ధసెంచరీకి దగ్గర్లో ఉన్న లబూషేన్‌ను రాబిన్సన్‌ ఔట్‌ చేయడంతో స్మిత్‌తో పాటు అలెక్స్‌ క్యారీ (11) క్రీజ్‌లోకి వచ్చాడు. ఇక ఇంగ్లండ్‌ బౌలర్లలో జోష్‌ టంగ్‌, జో రూట్‌ చెరో 2 వికెట్లు పడగొట్టగా.. ఓలీ రాబిన్సన్‌ ఓ వికెట్​ తీశాడు.

• ఇవీ చదవండి: