Aus vs Nz World Cup 2023 : విరాట్​ను అధిగమించిన వార్నర్.. స్టార్క్​ తొలిసారి అలా.. ఉత్కంఠభరిత పోరులో రికార్డులివే

Aus vs Nz World Cup 2023 : శనివారం ధర్మశాల వేదికగా జరిగిన ఆస్ట్రేలియా - న్యూజిలాండ్​ మ్యాచ్​.. 2023లో వరల్డ్​కప్​లో అసలైన మజాను ఇచ్చింది. ఆఖరి బంతి వరకు ఉత్కంఠగా సాగిన మ్యాచ్​లో విజయం ఆసీస్​నే వరించింది. అయితే ఈ మ్యాచ్​లో నమోదైన పలు రికార్డులపై ఓ లుక్కేద్దాం

Aus vs Nz World Cup 2023 : 2023 వరల్డ్​కప్​లో భాగంగా శనివారం ఆస్ట్రేలియా - న్యూజిలాండ్ మ్యాచ్.. క్రికెట్ లవర్స్​కు మస్త్ మజానిచ్చింది. హోరాహోరీగా సాగిన మ్యాచ్​లో ఆఖరి బంతి వరకూ విజయం ఇరు జట్ల మధ్యలో దోబూచులాడింది. తొలుత బ్యాటింగ్ చేసిన ఆసీస్ 388 పరుగులు చేయగా.. ఛేదనలో కివీస్ 383 పరుగులకు పరిమితమైంది. దీంతో ఆసీస్ ఆఖరి బంతికి 5 పరుగుల తేడాతో గెలుపొందింది. ఈ విజయంతో ఆసీస్.. పాయింట్ల పట్టికలో 8 పాయింట్లతో నాలుగో స్థానంలో కొనసాగుతోంది. అటు కివీస్ కూడా 8 పాయింట్లతో మెరుగైన రన్​రేట్ కారణంగా.. 3 స్థానంలో ఉంది. అయితే ఈ మ్యాచ్​లో నమోదైన పలు రికార్డులేంటో చూద్దాం.

విరాట్​ను అధిగమించిన వార్నర్.. ఈ మ్యాచ్​లో వార్నర్ 65 బంతుల్లో.. 5 ఫోర్లు, 6 సిక్స్​లు సహా 81 పరుగులు చేశాడు. దీంతో వరల్డ్​కప్ హిస్టరీలో అత్యధిక పరుగులు చేసిన నాలుగో బ్యాటర్​గా రికార్డులకెక్కాడు. ఈ క్రమంలో టీమ్ఇండియా స్టార్ బ్యాటర్ విరాట్ కోహ్లీ (1384 పరుగులు)ని వార్నర్ (1405 ) అధిగమించాడు. ఈ జాబితాలో వీరిద్దరి కంటే ముందు సచిన్ తెందూల్కర్ (2278), రికీ పాంటింగ్ (1743), కుమార సంగక్కర (1532) ఉన్నారు. ​

• " class="align-text-top noRightClick twitterSection" data="">

World Cup 2023 Warner Stats : వార్నర్ ఈ మెగాటోర్నమెంట్​లో బీభత్సమైన ఫామ్​లో ఉన్నాడు. ఇప్పటికే రెండు శతకాలు, రెండు అర్ధ శతకాలు బాది ఊపుమీదున్నాడు. ఇక ఆరు మ్యాచ్​లు ఆడిన వార్నర్ 66 సగటుతో 413 పరుగులు చేసి.. అత్యధిక పరుగులు చేసిన లిస్ట్​లో రెండో ప్లేస్​లో కొనసాగుతున్నాడు. ఇందులో 38 ఫోర్లు, 19 సిక్స్​లు బాదాడు.

• The streak was broken for #Mitchelstarc pic.twitter.com/OQV2dDvVNd

  — Hemanth Karinki (@KarinkiHemanth) October 28, 2023 " class="align-text-top noRightClick twitterSection" data="

  The streak was broken for #Mitchelstarc pic.twitter.com/OQV2dDvVNd

  — Hemanth Karinki (@KarinkiHemanth) October 28, 2023

  ">

  The streak was broken for #Mitchelstarc pic.twitter.com/OQV2dDvVNd

  — Hemanth Karinki (@KarinkiHemanth) October 28, 2023

• ప్రపంచకప్​లో అత్యధిక పరుగులు (383-9) చేసి ఓడిన జట్టుగా న్యూజిలాండ్​ నిలిచింది.
• ఆసీస్ బౌలర్ మిచెల్ స్టార్ తన ప్రపంచకప్​ కెరీర్​లో వికెట్ దక్కించుకోకపోవడం ఇదే తొలిసారి. అతడు (2015,2019,2029) ఎడిషన్లలో వరుసగా 23 మ్యాచ్​ల్లో ఆడిన ప్రతిసారి కనీసం ఒక వికెట్ పడగొట్టాడు.
• ఈ మ్యాచ్​లో రెండు ఇన్నింగ్స్​ల్లో కలిపి 32 సిక్స్​లు నమోదయ్యాయి. ఈ క్రమంలో ఒక వరల్డ్​కప్ మ్యాచ్​లో ఎక్కువ సిక్స్​లు నమోదైన రెండో మ్యాచ్​గా నిలిచింది. టాప్​లో ఇంగ్లాండ్ - అఫ్గానిస్థాన్ (33 సిక్స్​లు) మ్యాచ్ ఉంది.
• ఈ మ్యాచ్​లో రెండు ఇన్నింగ్స్​ల్లో కలిపి 771 పరుగులు నమోదయ్యాయి. ఒక వన్డే మ్యాచ్​లో ఇరు జట్లు కలిపి సాధించిన అత్యధిక పరుగుల జాబితాలో ఇది నాలుగో స్థానంలో నిలిచింది. తొలి స్థానంలో సౌతాఫ్రికా - ఆస్ట్రేలియా (872 పరుగులు) మ్యాచ్​ ఉంది. అది 2006లో జరిగింది.