కొవిడ్తో విపత్కర పరిస్థితులు ఎదుర్కొంటున్న మన దేశానికి సాయం చేసేందుకు ఆస్ట్రేలియా స్టార్ క్రికెటర్లు సిద్ధమయ్యారు. గురువారం వర్చువల్గా జరగనున్న ఓ కార్యక్రమంలో కమిన్స్, స్టార్క్, హేజిల్వుడ్, లైయన్తో పాటు ఆ దేశ మహిళా క్రికెటర్లు కూడా పాల్గొనున్నారు. లక్ష డాలర్ల విరాళాలే లక్ష్యంగా దీనిని నిర్వహించనున్నారు.
ఈ లైవ్ స్ట్రీమ్లో క్రికెట్కు సంబంధించిన విషయాలు చర్చించడం సహా, సదరు క్రికెటర్లు వీడియో గేమ్స్ కూడా ఆడనున్నారు. భారత కాలమానం ప్రకారం గురువారం మధ్యాహ్నం 12:30 గంటలకు మొదలయ్యే ఈ ప్రోగ్రాం.. అర్ధరాత్రి 12:30 గంటల వరకు సాగనుంది.
భారత్లో కరోనా సెకండ్ వేవ్ ప్రభావంతో వేల సంఖ్యలో ప్రజలు మరణిస్తుండగా, లక్షల సంఖ్యలో వైరస్ బారిన పడుతున్నారు. దీని తీవ్రత వల్లే ఐపీఎల్(IPL) కూడా వాయిదా పడింది.
ఇది చదవండి: WARNER: 'భారత్లో ఆ దృశ్యాలు చూసి కలత చెందా'
