Eng Vs Aus: తొలి రోజు ఆట వరుణుడిదే.. ఆసీస్​ 126/3

Eng Vs Aus Fourth test: ఇంగ్లాండ్​-ఆస్ట్రేలియా మధ్య జరుగుతున్న నాలుగో టెస్టుకు వర్షం అడ్డుగా మారింది. దీంతో మూడు సెషన్స్​లో 46.5 ఓవర్లు మాత్రమే బ్యాటింగ్​ చేసిన ఆసీస్..​ తొలిరోజు ఆట పూర్తయ్యేసరికి మూడు వికెట్లు కోల్పోయి 126 పరుగులు చేసింది.

యాషెస్​ సిరీస్​లో భాగంగా ఇంగ్లాండ్​-ఆస్ట్రేలియా మధ్య జరిగిన నాలుగో టెస్టుకు వర్షం అడ్డంకిగా మారింది. దీంతో తొలి రోజు ఆట ముగిసేసరికి 46.5ఓవర్లు మాత్రమే ఆడిన ఆసీస్​ మూడు వికెట్లు కోల్పోయి 126 పరుగులు చేసింది. క్రీజులో ఉస్మాన్​ ఖాజా(4*), స్టీవ్​ స్మిత్​(6) ఉన్నారు. ఇంగ్లాండ్​ బౌలర్లలో జేమ్స్​ అండర్సన్​, స్టువర్ట్​ బ్రాడ్​, మార్క్​ వుడ్​ తలో వికెట్​ తీశారు.

టాస్​ గెలిచి బ్యాటింగ్ ఎంచుకున్న ఆస్ట్రేలియాకు వర్షం కారణంగా తొలి రెండు సెషన్​లు సరిగ్గా సాగలేదు. రెండు సార్లు ఆటను నిలిపివేయాల్సి వచ్చింది. ఓపెనర్లుగా వచ్చిన వార్నర్​(30; 6x4), మార్కస్​ హ్యారిస్​(38) బాగానే రాణించారు. బ్రాడ్​ బౌలింగ్​ వార్నర్​.. 20.6వ ఓవర్​ వద్ద జాక్​ క్రాలే చేతికి చిక్కి తొలి వికెట్​గా వెనుదిరగగా.. మార్కస్​.. అండర్సన్​ బౌలింగ్​లో రూట్​ చేతికి క్యాచ్​ ఇచ్చి ఔట్​ అయ్యాడు. ఇక మార్నస్​ లబుషేన్​(28) మార్క్​ వుడ్​ బౌలింగ్​లో 40.2వ ఓవర్​ వద్ద జాస్​ బట్లర్​ చేతికి చిక్కాడు. మొత్తంగా మూడు సెషన్​లు పూర్తయ్యేసరికి 46.5 ఓవర్లలో మూడు వికెట్లు నష్టపోయి 126 రన్స్​ చేసింది.

ఇదీ చూడండి: బిగ్​బాష్​ లీగ్​లో కరోనా కలకలం.. మ్యాక్స్​వెల్​తో పాటు 12 మందికి పాజిటివ్