చాలాకాలం నుంచి మోచేతి గాయంతో బాధపడుతున్న ఇంగ్లాండ్ ఆల్రౌండర్ జోఫ్రా ఆర్చర్.. శుక్రవారం మరోసారి శస్త్రచికిత్స చేయించుకున్నాడు. ఈ విషయాన్ని ఇంగ్లాండ్ అండ్ వేల్స్ క్రికెట్ బోర్డు వెల్లడించింది. అతడు తిరిగి ప్రాక్టీస్ ఎప్పుడు మొదలుపెట్టనున్నాడనేది మాత్రం చెప్పలేదు.
"ఇంగ్లాండ్, ససెక్స్ జట్టు బౌలర్ జోఫ్రా ఆర్చర్.. మోచేతికి శస్త్రచికిత్స చేయించుకున్నాడు. మా వైద్య బృందాలు అతడి పరిస్థితిని ఎప్పటికప్పుడు అంచనా పరిశీలిస్తున్నాయి. కానీ, అతడు ఎప్పుడు బౌలింగ్ చేస్తాడనేది మాత్రం ఇప్పుడే చెప్పలేం" అని ఇంగ్లాండ్ క్రికెట్ బోర్డు పేర్కొంది.
సర్జరీ అనంతరం ఆర్చర్ పూర్తి ఫిట్నెస్తో జట్టులోకి రావాలని ఇంగ్లాండ్ కోరుకుంటోంది. ఈ ఏడాది ఆఖర్లో జరగబోయే టీ20 ప్రపంచకప్తో పాటు యాషెస్ సిరీస్ల్లో రాణిస్తాడని ఆశాభావం వ్యక్తం చేసింది. ఈ గాయం కారణంగా ఆర్చర్.. గతేడాది దక్షిణాఫ్రికా సిరీస్తో పాటు ఇండియా పర్యటన నుంచి అర్ధాంతరంగా వైదొలిగాడు.
ఇదీ చదవండి: 'ధోనీ వీడ్కోలు తర్వాతే నాకు వరుస అవకాశాలు'
