Ajinkya Rahane Ranji Trophy 2024 : టీమ్ఇండియా సీనియర్‌ బ్యాటర్‌ అజింక్య రహానె ప్రస్తుతం తన ఫామ్ను తిరిగి తెచ్చుకునే ప్రయత్నంలో ఉన్నారు. 2020-21 సీజన్‌లో ఆస్ట్రేలియాలో జరిగిన భారత్‌ బోర్డర్-గవాస్కర్ ట్రోఫీ టెస్ట్ సిరీస్ విజయంలో కీలక పాత్ర పోషించిన ఈ స్టార్ క్రికెటర్, చాలా మ్యాచ్‌ల్లో కీలక ఇన్నింగ్స్‌లో టీమ్ఇండియాను ఆదుకున్నాడు. అయితే ప్రస్తుతం కొత్త కుర్రాళ్ల రాకతో టెస్టు జట్టు రేసులో బాగా వెనకబడిపోయాడు. 2023లో చివరిగా రెండు టెస్టుల సిరీస్ కోసం వెస్టిండీస్‌ పర్యటనకు వెళ్లాడు. అయితే ఆ సిరీస్‌లో విఫలమవడం వల్ల అప్పటి నుంచి అతడ్ని పక్కన పెట్టారు. త్వరలో ఇంగ్లాండ్‌తో జరగనున్న టెస్టు సిరీస్‌కూ అతడ్ని ఎంపిక చేయలేదు. దీంతో రహానె ప్రస్తుతం రంజీ ట్రోఫీలో ఆడుతున్నాడు. ముంబయి జట్టుకు కెప్టెన్గా వ్యవహరిస్తున్నాడు. ఈ నేపథ్యంలో తిరిగి భారత జట్టులో స్థానాన్ని సంపాదించుకునేందుకు తీవ్రంగా శ్రమిస్తున్నాడు. అయితే తన లక్ష్య చేధనలో వరుసగా విఫలమవుతున్నాడు. దీంతో అతడి ఫ్యాన్స్ ఆందోళన వ్యక్తం చేస్తున్నారు.
Ajinkya Rahane Golden Duck : తాజాగా గ్రూప్‌-బిలో భాగంగా కేరళతో జరుగుతున్న మ్యాచ్లో గోల్డెన్ డకౌట్గా వెనుదిరిగాడు. ఈ సీజన్‌లో ఇలా వరుసగా రెండోసారి ఔటైన రహానె తమ పేలవ ఫామ్తో విమర్శలను ఎదుర్కొంటున్నాడు. బాసిల్‌ థంపీ బౌలింగ్‌లో ఎదుర్కొన్న తొలి బంతికే ఔటయ్యాడు. దీంతో ఇక టీమ్ఇండియాలో రహానె రీఎంట్రీ కష్టమే అంటూ అభిప్రాయాలు వ్యక్తమవుతున్నాయి. ఫిట్‌నెస్‌లేమి కారణంగా తొలి రంజీ మ్యాచ్‌కు దూరమైన రహానె, రెండో మ్యాచ్‌లోనూ రాణించలేకపోయాడు.
అయితే గతేడాది రంజీల్లో ముంబయి సారథిగా అద్భుతంగా రాణించి జట్టును ఆదుకున్నాడు రహానె. అంతే కాకుండా ఐపీఎల్-2023లోనూ మంచి ఫామ్తో చెలరేగిపోయాడు. చెన్నై సూపర్‌ కింగ్స్‌ జట్టు తరఫున ఆడి సత్తా చాటాడు. కష్ట సమయాల్లో మైదానంలోకి దిగి జట్టుకు సహాయ సహకారాలు అందించాడు. అలా సంప్రదాయ క్రికెట్‌లోనే కాకుండా పొట్టి ఫార్మాట్లోనూ కీలక ఇన్నింగ్స్ ఆడి టీమ్ఇండియాకు మంచి స్కోర్ అందించాడు.
ఐపీఎల్లో సారధిగా నో ఛాన్స్.. టీమ్ఇండియాకి కెప్టెన్గా ఆ ముగ్గురు..
రోహిత్ టు రహానే.. విండీస్ టెస్ట్లో టాప్-5 కీలక ప్లేయర్స్ వీరే..
