ఇండియన్ ఒలింపిక్ అసోసియేషన్కు బ్యాడ్మింటన్ ఆఫ్ ఇండియా లేఖ రాసింది. ఒలింపిక్స్కు అర్హత సాధించిన షట్లర్లతో పాటు టోక్యో వెళ్లడానికి నలుగురు కోచ్లను అనుమతించాలని కోరింది. ఇద్దరు ఫిజియోలను వారితో పాటు ప్రయాణించడానికి అంగీకరించాలని పేర్కొంది.
"అవును, మేము ఇండియన్ ఒలింపిక్ అసోసియేషన్కు లేఖ రాశాం. పుల్లెంల గోపిచంద్తో సహా నలుగురు కోచ్లను షట్లర్లతో పాటు పంపాలని కోరాం. అలాగే ఇద్దరు ఫిజియోలను వారితో పాటు వెళ్లడానికి అంగీకరించాల్సిందిగా అభ్యర్థించాం. ఈ విషయంలో సానుకూల నిర్ణయం వస్తుందని మేమనుకుంటున్నాం."
-బ్యాడ్మింటన్ అసోసియేషన్ ఆఫ్ ఇండియా.
టోక్యో ఒలింపిక్స్ నిబంధనల ప్రకారం మొత్తం అథ్లెట్ల సంఖ్యలో మూడో వంతు మాత్రమే సహాయక సిబ్బంది ఉండాలి. కాగా, బ్యాడ్మింటన్ నుంచి పీవీ సింధుతో పాటు సాయి ప్రణీత్, డబుల్స్ జోడీ చిరగా శెట్టీ, సాత్విక్ రాజ్ రాంకీ రెడ్డి అర్హత సాధించారు.
ఇదీ చదవండి: Olympics: భారత అథ్లెట్లపై దేశవ్యాప్త కార్యక్రమాలు
