ఆస్ట్రేలియా ఓపెన్లో భారత షట్లర్లు శుభారంభం చేశారు. తెలుగుతేజం పీవీ సింధు, సమీర్ వర్మ రెండో రౌండ్కు చేరుకున్నారు. సింధు ఇండోనేషియా క్రీడాకారిణీ ఛోయిరున్నిసాపై గెలుపొందగా.. సమీర్ మలేషియా ఆటగాడు లీ జీ పై విజయం సాధించాడు.
21-14, 21-9 తేడాతో వరుస సెట్లలో ఇండోనేషియా ఛోయిరున్నిసాను చిత్తుచేసింది సింధు. మహిళల సింగిల్స్ విభాగంలో జరిగిన ఈ మ్యాచ్ ఆరంభం నుంచి సింధునే పైచేయి సాధించింది.
గత నెల సుధీమన్ కప్లో మలేషియా ఆటగాడు లీ జీ చేతిలో పరాజయం పొందిన సమీర్వర్మ ఈ మ్యాచ్లో సత్తా చాటాడు. 21-15, 16-21, 21-12 తేడాతో లీని ఓడించాడు.
పురుషుల డబుల్స్లో సాత్విక్ - చిరాగ్ శెట్టి జోడి.. మనదేశానికే చెందిన మను ఆత్రి - సుమిత్ రెడ్డి ద్వయాన్ని 21-12, 21-16 తేడాతో ఓడించింది.
